Halla

2006-10-01T23:58:00.000+02:00

Nýtt sameinað blogg hjá mér og Rögnu HÉR!

2006-09-18T21:50:00.000+02:00

Nýjar myndir komnar inn hér.

Vorum að panta farið okkar til Egyptalands í dag. Fljúgum frá Kastrup á mánudaginn næsta og eigum að verða komnar til Cairo kl. 15:30 með millilendingu í Mílanó. Mjög spennandi allt saman. Erum búnar að fá íbúð þarna úti og hún lítur mjög vel út. Hún er 135 fermetrar þannig að það ætti að vera nóg pláss fyrir okkur tvær. En annars veit ég ekkert hvað við erum að fara út í en það kemur allt í ljós.

Bið að heilsa í bili

2006-09-11T11:47:00.000+02:00

Þá er festugen á enda. Því fylgja blendar tilfinningar því að þetta er svo skemmtilegur tími sem setur svo mikinn svip á bæinn. Það hafa heldur ekki ófáir bjórarnir verið teygaðir þessa vikuna enda held ég að það sé ástæðan fyrir því að ég hafi ekki verið bitin í þessum flugnabitsfaraldri því þær finna ekkert blóð í alkóhólinu mínu.

Addi frændi kom til okkar á föstudaginn. Það var ekkert smá gaman hjá okkur og ég vona að hann hafi skemmt sér jafn vel og við.

Skellti inn mynd af okkur þar sem við vorum að að æfa kjötsvipinn okkar.

Við fórum á írskann pöbb á miðvikudaginn til þess að horfa í Ísland-Danmörk. Komum tveimur tímum fyrir leik til þess að hita upp. Þetta var svaka stemmning og við vorum bara nokkuð sáttar með þetta enda var tekið viðtal við íslending, sem býr hér í Danmörku, eftir leikinn og hann var spurður hvað honum finndist um úrslitin og þá sagði hann bara: Við bjuggumst svo sem við þessu en VIÐ eigum allavega Magasín. Mér fannst þetta ansi gott svar hjá honum.

Annars erum við á fullu að undirbúa ferðina til Egyptalands. Þetta er allt mjög spennandi. Erum að auglýsa eftir einhverjum sem vill vera í íbúðinni okkar á meðan og svo þurfum við að fara í bólusetningu á morgun og pakka öllu draslinu okkar niður sem að við þurfum að geyma á meðan. En við höfum alveg nægan tíma til þess. Það fer samt að líða að þessu. Ég er samt svolítið smeyk yfir hitanum því að ég er að kafna hérna í 20-25 gráðum en það eru yfir 30 gráður þarna úti núna þannig að ég veit ekki alveg hvernig maður á að meika það.

Hef ekki meira að segja í bili

Kveðja Halla

2006-09-04T22:45:00.000+02:00

Var að setja inn fullt af nýjum myndum frá sumrinu. Endilega kíkjið á þetta: júní,
Danmerkurferð í júní, júlí, ágúst og að sjálfsögðu ÞJÓÐHÁTÍÐ Í EYJUM 2006!!!!

Ef að þessir linkar virka ekki þá fariði í myndir hér fyrir ofan, á myndasíðuna mína og smellið á Myndir 2006 og þar smelliði á viðeigandi mánuð eða það sem þið viljið skoða.

Njótið vel

2006-09-01T14:35:00.000+02:00

Ég vona að það séu ekki allir búnir að gefast upp á þessu bloggi en ég skil það alveg ef svo er.

Ég var að komast að því í gær að skólinn minn byrjar ekki fyrr en 1. febrúar þannig að ég og Ragna erum að spá í að skella okkur til Egyptalands þangað til. Við erum allavega að skoða þann möguleika. Það yrði náttúrulega geggjað gaman að vera búin að kynnast menningunni áður en maður fer að læra.

Það er rúm vika síðan ég kom til Árósa aftur og það var ekkert smá góð tilfinning að keyra inn í bæinn. Við vorum í London kvöldið áður að horfa á Rolling Stones á Twickenham Stadium og það var vægast sagt magnað. Þó svo að Mick, Keith, Charlie og Ron hafi litið út eins og maurar frá þeim stað sem við sátum þá var þetta eitthvað sem að maður á aldrei eftir að gleyma. Mick Jagger var eins og ofvirkur smástrákur á sviðinu, það sem maðurinn getur hlaupið og dansað. Ég hefði ekki lagt í þessar mjaðmahreyfingar hjá kallinum.

En annars er sumarið búið að vera svo geggjað skemmtilegt að það hálfa væri nóg og það var náttúrulega ekki þurr helgi. Þjóðhátíð stendur samt uppúr og það er sko alveg á hreinu að ég fer aftur á Þjóðhátíð í Eyjum. Á Þjóðhátíð ég fer.................

Er að vinna í að setja inn myndir eftir sumarið og það er sko slatti þannig að þetta á eftir að taka einhvern tíma en þetta kemur allt saman. Annars er festugen að byrja þannig að það er bara djamm, djamm og aftur djamm með nokkrum leikjum inn á milli svo að maður má ekki alveg missa sig í gleðinni en þangað til....

2006-07-13T02:05:00.000+02:00

shíta múslimi og klerkur.... ég fékk símtal fyrir stuttu frá Regínu systur og hún sagði að það væri eins og ég og Ragna hefðum flutt á Suðurpólinn því að hún er ekkert búin að heyra í okkur síðan við fórum á Djúpavog. Ég þekkti ekki einu sinni röddina í henni til að byrja með svo að það er greinilega langt síðan að ég hef heyrt í henni greyinu. Sorrý... við erum ekki búnar að gleyma þér, elskan.

Fyndið samt að vera komin hingað og þvílík andstæða sem þetta er miðað við 300.000 manna borg eins og Árósar og samt hefur maður nóg að gera og hef gjörsamlega misst allt samband við umheiminn. En tíminn líður svo hratt að það er hálf svakalegt og það er plan hverja helgi fram yfir verslunarmannahelgi. Vonandi getum við svo séð Rolling Stones í London 22. ágúst, jibbí.

Annars hef ég lítið að segja og netsambandið er búið að vera mjög leiðinlegt og endist yfirleitt ekki nema 5 mínútur í senn svo að það er ekki skrítið að maður hafi gefist upp á þessu um tíma en ég á fullt af myndum sem á eftir að setja inn þar á meðal djamm á Olnboga sem endaði með því að allir fóru svartir heim, tvíræð merking.

Spennandi að vita hvenær maður bloggar næst en þangað til...... Adios mi amigos

2006-06-14T14:26:00.000+02:00

Home sweet home..... það var svo yndislegt að komast heim til Árósa í smá stund. Við vorum ekkert smá heppin með veður en það var 25 stiga hiti daginn sem við komum og fór svo stighækkandi dag frá degi og endaði í 28 stigum daginn sem við fórum og það endaði með smá bruna á öxlum og bringu.

Á laugardaginn fór ég að horfa á liðið mitt spila leik sem þær unnu 3-2. Fyrir leikinn voru andstæðingarnir taldir frekar góðir en mér fannst við miklu betri og það skilaði sem betur fer sigri. Tenna skoraði sigurmarkið á lokamínútunum og það var geggjað flott. Hún sólaði upp vinstri kantinn frá miðju og átti svo langt skot yfir markmanninn og fagnaðarlætin brutust út og gleðin leyndi sér ekki. Þvílíkt flott hjá henni. Það var ekkert smá gaman að hitta allar stelpurnar aftur og ég get ekki beðið eftir að fara út aftur.

Um kvöldið grilluðum við heima með Louise og Ellen og eftir það fórum við í þrítugsafmælisveislu til Dorthe og það var rosa gaman. En sökum smá veikinda sem þurftu endilega að gera vart við sig um helgina þá entist ég ekki lengi.

Allavega, góð helgi að baki og við tekur rigning og skemmtilegheit.....

2006-05-22T22:27:00.000+02:00

Það tók nú ekki við mikil sumarstemning þegar ég kom á Djúpavog. Búið að vera hávaðarok og skítakuldi. Ég vil ekki meina að þetta fylgi mér. En svei mér þá ef þetta er ekki að breytast.

Það er búið að fresta tónleikaferð Rolling Stones til 5. júlí því að Keith Richards er ekki alveg búinn að jafna sig eftir aðgerðina sem að hann fór í. Hvað eru menn á hans aldri að klifra uppí tré, maður spyr sig. Pabbi var samt með plan B því hann grunaði að það gæti komið til þess svo að í staðinn ætlum á tónleikana í London þann 20. ágúst, jíha!!

Við feðgin ætlum samt að fara til Danmerkur 8. júní þrátt fyrir að tónleikarnir séu ekki. Við ætlum sennilega að leiga okkur bíl og keyra eitthvað um og auðvitað förum við til Árósa og pikkum Rögnu upp og hittum Regínu og Bjössa.

Ég vil óska pabba gamla og félögum hans í D-listanum í Þorlákshöfn til hamingju með glæsileg kosningaúrslit en þau náðu meirihluta í bæjarstjórn Ölfushrepps og D-listinn bætti við sig tæplega 15% síðan í síðustu kosningum. Ég er hrikalega stolt af pabba og það lítur út fyrir að fólk sé ánægt með hann og hans störf.
Ég vil líka óska N-listanum á Djúpavogi til hamingju með sín úrslit.

Bless í bili

Kíkið á þetta, heimskir glæpamenn :þ)

2006-05-13T02:13:00.000+02:00

Var að setja inn myndir af forårsfesten hjá JAI og frá páskunum. Check it out.

Netsambandið er búið að vera eitthvað leiðinlegt svo að ég þurfti að búta síðustu færslu aðeins niður. Það sem vantaði voru hamingjuóskir til Árnýjar og Ragnars með litlu sætu prinsessuna sem að ég er búin að kíkja á og hún er æði. Hún er svo falleg eins og foreldrar sínir.
Ég vil líka óska Söru Lind til hamingju með 1. árs afmælið 10. maí s.l. Æðislegar myndir af henni frá afmælisveislunni. Hún er líka sætust eins og mamma sín.

Góða helgi

2006-05-09T20:29:00.000+02:00

Síðustu helgi fór ég á tónleikana í höllinni. Ég, Alfa, Dröfn og Halldís skelltum okkur. Þetta byrjaði klukkan 18 með Foreign Monkeys, þeir sem unnu músíktilraunir, og við náðum síðasta laginu þeirra og þeir hljómuðu bara nokkuð vel. Síðan tók Benni Hemm Hemm við og það var líka mjög flott. Ég hef aldrei séð hann áður en var mjög hrifin. Trabant voru næstir og þeir voru GEGGJAÐ góðir. Þeir voru ekkert smá flottir líka, í ljósum jakkafötum, í rauðum vestum undir og með ljósan klút um hálsinn. Geggjað flott allt saman og þvílíkt stuð. Þess á milli þeytti Andy Rourke skífum en ég tók mjög lítið eftir honum. Næstir voru Echo and the Bunnymen en þar sem að ég þekkti þá sama sem ekki neitt þá var ég ekkert að missa mig yfir þeim en þeir voru fínir. Elbow tróð upp á eftir Echo og kom skemmtilega á óvart og mér fannst hann mjög góður. En lokaatriðið var Badly Drawn Boy og það var það sem ég var mest spennt yfir en því miður varð ég fyrir smá vonbrigðum. Damon var ekki alveg að meika það. Hann spilaði svo mikið af nýju efni og maður var orðinn pínu þreyttur á þessum tímapunkti og manni langaði eiginlega að heyra eitthvað sem maður þekkti. Ég hefði viljað láta Trabant loka þessu því þeir voru geggjaðir og það vantaði eitthvað stuð í lokin. Þá hefði maður labbað út með bros allan hringinn, held ég. En fínir tónleikar samt og ég hefði ekki viljað sleppa þessu.

En nú er tæpur mánuður í Rolling Stones svo að maður er óneitanlega orðinn spenntur en það lítur út fyrir að Keith Richards verði kannski ekki með því hann var að klifra upp í pálmatré og hrundi niður. Meira vesenið á honum. Hann kom úr aðgerð í gærmorgun og var víst hress en þarf nokkrar vikur til að jafna sig.

2006-04-25T01:48:00.000+02:00

Þið verðið að lesa þetta. Ég hló mikið.

Gleðilegt sumar

2006-04-22T16:33:00.000+02:00

Sá í sjónvarpinu auglýsta íslenska heimildarmynd um hvað það væri gaman að vera í kór. Má ALLS ekki missa af henni :)

Skellti inn mynd af Snorra Sel sem var að "tjilla" í Berufirðinum um páskana.

Eigið góða helgi

2006-04-11T17:35:00.000+02:00

How Will I Die Quiz

You will die at the age of 67

You will die when your underwear gets to tight and cuts off your blood circulation

Find out how you will die at Quizopolis.com

Ég á nú ansi bágt með að trúa þessu en það er aldrei að vita.

Ég og Ragna sitjum hér á Te og Kaffi á Egilsstöðum og sötrum kaffi. Ákváðum í gær að skella okkur í menningarferð, eins og við viljum kalla þetta, og skoða uppbygginguna á Austurlandi og nýju gönginn milli Fáskrúðsfjarðar og Reyðafjarðar. Það er hellingur búið að gerast síðan við vorum hérna um jólin og heilu hverfin hafa risið hér á augabragði.

Eðvald og Hólmfríður voru svo yndisleg að lána okkur Galantinn sinn þannig að við erum ekki fastar inná Melshorni eins og pabbi hefði kannski kosið. Ég held að hann hafi lifað í þeirri von að við myndum fara að gera við girðingarnar eða mála þvottahúsið en mér finnst það heldur mikil bjartsýni hjá kallinum.

Ég vil óska henni Árnýju minni innilega til hamingju með tvítugs afmælið í dag og ég mun koma og þiggja kaffi og kökur hjá henni af því tilefni í kvöld.

Hef ekkert meira að segja í bili, bæbæ

2006-04-06T20:05:00.000+02:00

Ef að þið hafið lent í því síðustu daga að finnast eins og þið hafið kannski séð mig í Kringlunni t.d. og hugsað "nei, það getur ekki verið" þá vildi ég bara láta vita að ég er komin til Íslands og það lítur ekki út fyrir að ég fari út aftur fyrr en í haust, fyrir utan Rolling Stones tónleikana í júní, þannig að ég er með íslenska númerið mitt 898-8974 svo að vinir og vandamenn viti af því.

Annars var rosa gaman síðustu helgi. Á laugardaginn kepptum við leik við Gødved í ausandi rigningu og ég átti dauðafæri en klúðraði, helv... súrt, en við unnum leikinn 4-3 svo að við vorum mjög sáttar. Um kvöldið var svo árshátíðin mikla og það var geggjað stuð og mikið drukkið.
Ég er búin að reyna að setja inn myndir af kvöldinu en það hefur gengið eitthvað illa.

Ég hef svo sem ekkert meira að segja en við förum austur á Djúpavog á morgun og verðum yfir páska þannig að vonandi sér maður sem flesta.

Bless í bili

2006-03-31T12:35:00.000+02:00

Mér finnst rigningin góð . . . . nananana . . . . óóóó . . . . mér finnst rigningin góð . . . . . .

Nei, ég er ekki full eins og við má búast þegar maður syngur slagara eins og þessa en ég held að það sé einhver misskilningur í gangi. Það er búið að vera haustveður hérna síðan um helgina og ég sem hélt að það væri að koma vor. Það er samt dálítið gaman stundum í rigningunni t.d. í fótbolta þegar maður rennir sér og þegar maður er að skokka því það er bara einhvern vegin auðveldara að hlaupa í rigningunni. Þetta er líka yfirleitt ekki eins og heima þegar það er brjálað rok og maður er að berjast í gegnum vindinn og rigninguna heldur er bara logn og rigning. En nú er komið nóg.

Ég og Ragna vorum að dj-ast til klukkan 3 í nótt því að við tókum að okkur að sjá um tónlistina fyrir "festina" á morgun. Þar er helst um að ræða tónlist sem ætti að fá fólk til þess að vilja dilla á sér rassinum eins og það hafi aldrei gert annað.

Á morgun byrjar svo dagurinn með æfingaleik við Gødvad og síðan verður djammað annað kvöld og sem betur fer þurfum ég og Ragna ekki að taka þátt í æfingaleiknum á sunnudaginn því ég býst ekki við góðri heilsu þann daginn.

Bless í bili og vonandi eigiði góða helgi

2006-03-29T01:36:00.000+02:00

Var að setja inn nýjar myndir frá febrúar og mars. Smellið
hér ef þið viljið skoða.

2006-03-26T22:34:00.000+02:00

Vil du pumpe i min ulpe? Nej, jeg griner bare.......
Þegar maður er ekki alveg viss hvað orðið er á dönsku þá segir maður bara íslenska orðið með dönskum hreim. Virkar stundum en ekki alltaf.

Að vera (eins og) lurkum laminn: vera illa leikinn (af þreytu, erfiði), vera með harðsperrur, dauðþreyttur. Þetta gæti ekki lýst betur ástandi mínu núna.

Æfingabúðirnar voru um helgina og byrjuðu með skemmtilegri tveggja tíma æfingu á gervigrasinu á föstudagskvöldið. Eftir æfinguna var haldið til Gedved, sem er í um 30 mín. fjarlægð frá Árósum, og þar var gist um nóttina. Við fengum ekki far fyrr en morgunin eftir og vorum mættar til Gedved um hálf ellefu eftir heilmikið bras og búnar að keyra örugglega allar vitlausu leiðir sem hægt var að fara. Þá var strax farið á æfingu og það var augljóst að allir voru frekar orkulitlir. Eftir hádegismat var haldinn smá fundur um taktík og síðan var haldið í íþróttahúsið og spilað blak og fótbolti. Eftir þetta var maður orðinn ansi þreyttur í líkamanum.
Í morgun vöknuðum við svo í grenjandi rigningu og keyrðum aftur til Árósa og kepptum æfingaleik við lið sem er í Jyllandsseríunni þ.e.a.s. einni deild ofar en við erum og það rigndi svo mikið að völlurinn var stór pollur svo að þetta var ansi skrautlegt. Við töpuðum því miður en miðað við aðstæður fannst mér við standa okkur mjög vel.

Ég komst að því á æfingunni á föstudaginn að ég og Ragna erum kallaðar bomburnar í liðinu. Nú hugsið þið eflaust eins og ég að það sé út af því að við erum svo miklar kynbombur en nei það er víst ekki út af því heldur af því að við erum svo skotfastar. Ég vil samt meina að merkingin sé tvíræð.

Ætli sé ekki kominn tími til að skella sér í bólið. Bless í bili

2006-03-22T14:37:00.000+01:00

Ohhh...ég ætlaði að skrifa þær gleðifréttir að snjórinn væri farinn og vorið væri að koma en í þeim skrifuðu orðum lít ég út um gluggann og það er að snjóa. En ég held að vorið sé alveg að koma því inn á milli kemur rosa gott veður og ég var meira að segja búin að hengja út á snúru áðan en svona hálftíma síðar þurfti ég að hlaupa út og ná í þær því það var byrjað að snjóa.
Líf mitt þessa dagana einkennist aðallega að heimilisstörfum þ.e.a.s. þrifum, eldamennsku, bakstri og strauji, Rögnu til mikillar ánægju en mér er alveg farið að langa að gera eitthvað annað. Fer á morgun og reyni að fylgja eftir atvinnuumsóknum mínum og snúa upp á handlegginn á einhverjum.

Það er vægast sagt yndislegt að vera kominn með netið aftur og geta haft samband við umheiminn. Nú fær maður líka allar nýjustu fréttirnar beint í æð og það er ekki leiðinlegt.
Við systur erum að spá í að vera á Djúpavogi í sumar enda líka alveg tími til kominn því það eru þrjú ár síðan ég var síðast á Djúpavogi og ég hlakka ekkert smá til ef af þessu verður.

Annars er voða lítið að frétta héðan. Um helgina förum við með liðinu okkar í æfingabúðir sem byrja annað kvöld með tveggja tíma æfingu á gervigrasinu síðan förum við til Gedved, sem er í um 20-25 mínútna fjarlægð frá Árósum, og þar verðum við um helgina. Síðan endar þetta með æfingaleik á sunnudaginn. Þetta á eflaust eftir að gera hópinn aðeins þéttari og þetta er líka góð tímasetning því næstu helgi er forårsfest eða eins konar árshátíð karla- og kvennaliðsins og þá verður aldeilis slett úr klaufunum.

Hef ekki meira að segja í bili en eigið góða helgi og þeir sem skoða bloggið mitt mega vera duglegri að kommenta svo ég viti hver markhópurinn minn er :)

2006-03-16T14:39:00.000+01:00

I want to break free....I want to breeaaaak freeee…. I want to break free.......

Það má segja að þetta lag sé búið að hljóma í hausnum á mér síðustu daga og vikur.
Ég hef nefnilega tekið þá ákvörðun, eftir miklar vangaveltur, að hætta í frönskunni og evrópufræðunum. Ég hef komist að þeirri niðurstöðu að ég hef hreinlega engann áhuga á þessu og því þá að vera að rembast eitthvað við þetta. Þannig að ég er núna búinn að sækja um fyrir næsta haust í Arabísku og kommunikation (nr.1), Arabísku og íslamskri menningu (nr. 2 og það sama og Ragna er í), Kínversku (nr.3), moderne indienstudier eða nútíma indverskum fræðum (nr. 4), brasilískum fræðum(nr. 5) og íþróttum(nr. 6). Ég rétt náði að henda inn umsókn þar sem að skilafrestur var 15. mars sótti bara um allt sem mér fannst spennandi til þess að hafa allt opið. En það sem ég er mest spennt fyrir er arabískan og íslamska menningin og ég hef alltaf verið spennt fyrir því en vildi bara ekki fara í það því að Ragna er í því og við gerum alltaf allt það sama og ég var að reyna að gera það ekki en núna ætla ég að fylga áhuganum og það er bara þannig að áhugi okkar liggur á sama sviði.

Við erum núna búnar að keppa tvo æfingaleiki með liðinu okkar og okkar lið fór með sigur í báðum leikjum. Það var mjög gaman enda hef ég ekki oft verið í sigurliði og ef svo hefur verið þá hef ég ekki mikið tekið þátt í því. Ég og Ragna erum búnar að spila sem sóknarmenn í báðum leikjunum en ekki náð að skora en ég hef það á tilfinningunni að það eigi eftir að gerast fyrr eða síðar. Að vísu hafa aðstæðurnar ekki verið góðar því að það hefur verið svo mikill snjór á vellinum að þetta hefur verið eins og að hlaupa í draumi þ.e.a.s. maður hleypur svo hægt og það er allt svo erfitt.

Næst á dagskrá er sem sagt að klára umsóknirnar og finna vinnu og svo er mjög spennandi helgi fram undan með einum æfingaleik og miklu djammi... og það er alveg tími til kominn fyrir gott djamm.

Adios mi amigos

p.s. landsliðsþjálfari kvenna í fótbolta fyrir Þýskaland heitir Silvia Neid alveg eins og Silvía Night. Spurning hvort að hún sé kveikjan að þessu öllu saman (ég efast stórlega um það)

2006-03-03T12:11:00.000+01:00

Jæja, þá getur maður loksins farið að koma sér almennilega fyrir og kannski hugsað. Við systur erum sem sagt búnar að flytja tvisvar núna á tveimur vikum og það kemur ekki til greina að ég flytji aftur fyrr en eftir einhver ár. Þannig að ég er allavega ekki á leiðinni heim því að ég einfaldlega nenni því ekki:)

Það er eitt sem að ég hef tekið eftir hjá Dönum og það er að þeir nota sjaldan dagsetningar heldur nota þeir alltaf númerin á vikunum. T.d. er ég að fara hitta hópinn minn á fimmtudaginn í viku tíu. Fyrst hélt ég að þetta væri bara svona í skólanum en það eru bara allir með þetta á hreinu. Af hverju ekki bara að nota dagsetningar? Ég verð að spyrja einhvern innfæddan að þessu.

Ég hef ekkert meira að segja í bili, góða helgi

p.s. mig vantar góðan nuddara sem getur lagað króníska vöðvabólgu . . . fæði og húsnæði innifalið

2006-02-22T09:00:00.000+01:00

Viðvörun:
Þið skuluð aldrei flytja í íbúð á fimmtu hæð í fjölbýli sem hefur ekki lyftu og það er alveg sama hversu flott íbúðin er . . . . það er ekki þess virði þegar maður þarf að flytja út.

2006-02-09T00:29:00.000+01:00

Dröfn klukkaði mig þannig að ég ætla bara að svara því samviskusamlega:

4 störf sem ég hef unnið við um ævina
Alls kyns störf á Hótel Framtíð, Djúpavogi
Þjónn á Argentínu Steikhús
Gestamóttöku Radisson SAS Hótel Sögu
Landsbanki Íslands

4 kvikmyndir sem ég gæti horft á aftur og aftur
So I married an axe murderer
Dirty Dancing
Dumb and Dumber
Reality Bites

4 staðir sem ég hef búið á
Djúpavogi
Reykjavík/Kópavogi
Þorlákshöfn
Árósar, Danmörk

4 sjónvarpsþættir sem mér líkar
Desperate Housewives
Friends
Fraiser
Seinfeld

4 staðir sem ég hef heimsótt í fríi
Krít
Nokkrir staðir á Spáni
Portsmouth, Englandi
Kaupmannahöfn

4 síður á netinu sem ég heimsæki daglega
mbl.is
asb.dk
hotmail.com
google.dk

4 matarkyns sem ég held uppá
kjúlli, kjúlli og aftur kjúlli....allskonar réttir
kæfa með baconi
lambakjöt
humar

4 staðir sem ég vildi heldur vera á núna
Frakkland (ýmsir staðir)
Hawaii (alltaf langað að koma þangað)
Brussel
Feneyjar

4 aðilar sem ég klukka
Regína
Ragna
Jenný
Rebekka

Nokkur skemmtileg atriði síðustu viku: Ég labbaði á glerhurð í Bianco (það var örugglega nýbúið að þrífa glerið og það var svona líka vel gert), fékk wild card-ið mitt og samkvæmt því heiti ég Halla Blafsdóttir, kíkti á tilvonandi íbúðina mína og einhver gamall karl flautaði á mig þegar ég var að skipta um akrein og ég hefði sýnt honum puttann ef mér hefði ekki brugðið svona mikið. . . . já, hann hefði átt það skilið.

Ef þið styðjið Silvíu Nótt áfram í Eurovision undankeppninni þá getið þið undirritað hér. Ég gerði það.

Ha´ god weekend

2006-02-01T21:07:00.000+01:00

Úff...þá er alvaran hafin. Fyrsta fótboltaæfingin var í gær og ég fékk sko vel að finna fyrir því í dag. Það var ansi strembið og greinilegt að undirbúningstímabilið er hafið. Aðstæðurnar voru heldur ekki mjög góðar þar sem að það er ca. 10 cm lag af snjó, með frosnu yfirlagi sem maður pompar ofaní, á vellinum svo að þetta var ansi skrautlegt en mjög gaman að renna sér en svoltítið kaldar tær í kjölfarið.

Fyrsti skóladagur annarinnar hófst í dag og það er pínu erfitt að koma sér í gang svona eftir fríið. Svo erum við líka að flytja og því fylgir ákveðið stress og óvissa því við áttum í rauninni að fara úr íbúðinni í dag en við fáum vonandi að vera til 15. febrúar því þá fæ ég að flytja inn í íbúðina mína. Annars fer þessi fyrsta vika í skólanum heldur rólega af stað en mér sýnist allt verða brjálað í næstu viku.

Ég vil líka þakka fyrir skemmtileg komment um nýja "lookið" á síðunni. Ég skellti inn einni mynd af rokkurunum frá síðustu helgi sem ég tók af síðunni hennar Soffíu Tinnu og ef þið eruð ennþá æst í að skoða fleiri myndir af þessu magnaða partýi þá getiði kíkt á myndasíðuna hennar Jennýar. Tjékkiði á gaddavírnum sem ég er með á handleggnum....alveg eins og Pamela Anderson :-)

1000 Rokkstig

2006-01-30T18:29:00.000+01:00

Ég gef sjálfri mér þúsund rokkstig fyrir að vera svona dugleg að setja inn myndir og vera búin að breyta útlitinu á síðunni minni. Hvernig líst ykkur á?
Myndir frá rokk/útflutningspartýinu eru hér (undir myndir 2006) og þið getið líka kíkt á síðuna hjá Röggu og Gunna ef þið viljið sjá meira.

Hafiði það gott

Home sweet home

2006-01-26T14:49:00.000+01:00

Agalega er gott að vera kominn aftur. Það er nefnilega þannig, finnst mér, að þar sem dótið manns er að þar er heimili manns. Annars erum við að fara að flytja og það verður svaðalegt útflutningspartý hérna á laugardagskvöldið, sem verður haldið með Gunna og Ragnheiði því að þau eru að flytja til Köben, og það verður Rockstar þema þannig að þetta verður brjálað stuð. Það verður sko ekki hægt að halda partý í þessum litlu kytrum sem við erum að flytja í. Við ætlum að halda smá loppumarkað hérna í portinu þannig að þeir sem eiga leið hjá um helgina geta kíkt á markaðinn. Margt spennandi að sjá.

Skólinn byrjar eftir helgi og það verður spennandi að sjá hvernig þessi önn verður. Ég sá að ég er að byrja í fagi sem heitir cultures in Europe og ég held að það sé eitthvað fyrir mig :) Annars vorum við, hópurinn minn, að klára smá verkefni í gær með fyrirlestri (uppáhaldið mitt.....NEI) og það var smá léttir þannig að það er smá frí núna.

Jæja, kannski maður byrji að pakka.
Var að setja nýjar myndir úr afmælinu hennar Ölfu frá síðustu helgi og úr partýinu hjá Valdísi á annan í jólum.

Góða helgi

Er þetta ekki orðið ágætt

2006-01-16T17:15:00.000+01:00

Hversu lélegur er maður í íslensku þegar maður skilur ekki útskýringarnar í dönsk-íslensku orðabókinni og þarf að fletta upp annarri hverri útskýringu í íslenskri orðabók?

Nú er þessi aldeilis ágæta dvöl hér heima að enda og ég fer aftur til Árósa á morgun og það er bara góð tilfinning. Ragna og Sindri eru örugglega farin að sakna mín mikið og eiga eflaust ekki eftir að ráða við sig af kæti þegar ég kem á morgun :)
Svolítið erfitt að skilja mömmu og pabba eftir ein heima en ég held að þau spjari sig alveg.
Það er búið að vera svo gaman að hitta alla vinina og ég á klárlega eftir að sakna þeirra en á þessum tímum tækninnar þá er ýmislegt hægt og ég er ekki frá því að maður hafi meira samband þegar maður er í útlöndum en þegar maður er heima.

Ég hef svo sem ekki meira að segja þannig að ég kveð í bili

Allir að skrifa undir!

2006-01-11T14:42:00.000+01:00

http://www.deiglan.com/askorun

Þið losnið ekki við mig strax

2006-01-11T01:49:00.000+01:00

Vei, ég var að skila dauðaritgerðinni áðan þannig að nú get ég andað aðeins léttar :)
Ég ætlaði að fara aftur til Árósa síðasta fimmtudag en þar sem að skólinn byrjar ekki fyrr en 1. febrúar og ég þarf að skila öðru verkefni þann 19. janúar þá ákvað ég að ég gæti alveg eins gert það hérna heima eins og úti.

Er ekki viðeigandi að setja sér einhver árómótaheit þar sem að nýtt ár er komið? Ég er með nokkur í huga. Maður getur náttúrulega farið auðveldu leiðina og valið eitthvað sem að maður getur pottþétt haldið eins og ég ætla ekki að drepa neinn á árinu og svona en það er ekki nógu ögrandi. Á þessu ári ætla ég að vera duglegri að læra (verður ekki erfitt að halda við það), byrja að borða "skynsamlegar" og hreyfa mig meira. Ok, ég veit að tvö síðustu eru klisjur en ég fékk svo sniðuga bók í jólagjöf sem er eftir breskan næringafræðing og heitir ´Þú ert það sem þú borðar´ og það er ótrúlegt hvað það sem maður lætur ofan í sig hefur áhrif á allt saman t.d. hausverk, sjúkdóma, þreytu og margt fleira. Þannig að ef þetta nám sem ég er í núna gengur ekki upp þá fer ég í næringarfræði :)

Mér finnst svolítið leiðinlegt að hafa ekki fengið nein comment um brandarann sem ég skrifaði í síðustu færslu en kannski þarf bara svona lítið til að skemmta mér. Mér fannst þetta allavega mjög fyndið.

Hef ekki meira að segja í bili. Var að setja inn myndir úr afmælinu hennar Berglindar síðan 17. des.

Gleðileg jól og gleðilegt nýtt ár!

2006-01-03T15:33:00.000+01:00

Þessi jól hafa verið vægast sagt yndisleg. Við brunuðum austur á Djúpavog á þorláksmessu og tókum jólin bókstaflega með okkur og ég er nokkuð viss um að við hefðum ekki getað troðið einu sokkapari í viðbót með okkur því að bíllinn var svo troðinn. Þegar við vorum komin þá var bara skreytt svo að allt var tilbúið fyrir aðfangadag. Aðfangadagur var svo heðbundinn, byrjaði á kakói og ristuðu brauði í tilefni afmælis okkar systra og síðan fórum við í kirkjugarðinn og settum friðarkerti á leiðið hjá ömmu og afa og svo var messa um kvöldið og rjúpur snæddar sem var hrikalega gott. Á jóladag héldum við smá afmælisboð og þetta var alveg eins og í gamla daga og það var spilað og borðað og borðað meira og spilað meira.

Síðasta föstudag tók ég þátt í firmamóti í fótbolta fyrir hönd Við Vogins ehf. og ég ætla ekkert að segja frá árangrinum í því móti en það var mjög skemmtilegt að vera með og það er það sem skiptir máli að geta haft gaman að þessu. Það voru nebblega ekki allir með það "attitjúd".

Á gamlárskvöld var svo hin árlega fjölskylduveisla Hátúnsmafíunnar og hún lét sko ekki á sér standa frekar en fyrri daginn. Síðan var farið á ball og ég fór ekki að sofa fyrr en átta um morgunin og svo var keyrt suður klukkan eitt eða fimm tímum síðar. Ég verð nú að segja að ég var mun hressari en ég bjóst við og engin bílveiki eða neitt. Þess á milli er ég búin að reyna að læra og það hefur gengið upp og ofan. Ég er ekki enn byrjuð að skrifa ritgerðina en er alveg að fara að byrja. Það er alltaf svo erfitt að byrja en þegar maður er loks byrjaður þá gengur það yfirleitt vel.

Ég ætla að enda þessa færslu á einum brandara:
Hefur kærastinn þinn fitnað um jólin? Ef svo er þá skaltu hvetja hann til þess að ganga þrjá kílómetra á morgnana og þrjá á kvöldin og eftir sjö daga verður þetta FEITA svín komið 42 kílómetra í burtu frá þér!

Bið að heilsa í bili

Gott að vera einhleypur um jólin

2005-12-20T23:31:00.000+01:00

Við einhleypingar þurfum ekki að örvænta því það ku vera gott að vera einhleypur tilfinningalega, andlega og fjárhagslega um jólin. Það var meðal annars tekið sem dæmi, í grein sem ég las úr ónefndu blaði, að verstu rifrildi í samböndum eru yfirleitt tengd peningamálum og það er nú yfirleitt þannig um jólin að maður eyðir miklu. Síðan þarf maður ekkert að vera að hafa áhyggjur af því hvað maður eigi að gefa kærastanum og hvað það kosti og þess háttar. Svo ef maður á erfiða tengdafjölskyldu þá þarf maður ekki að kvíða því að hitta þau í fjölskyldu- og jólaboðum. Þannig að ég er bara í góðum málum en alveg tilbúin að ræða málin eftir jól.

Á miðvikudaginn fórum ég og Ragna í bæinn að snúast og þegar það var búið þá hugsuðum við okkur gott til glóðarinnar og keyptum okkur pizzu og sáum fyrir okkur notalegt kvöld fyrir framan imbann heima í Þorlákshöfn. Þegar við erum að renna í hlað þá lítur Ragna á mig með skelfingarsvip og segist ekki vera með lykla og ég lít á hana og segist heldur ekki vera með lykla. Þetta hefði kannski verið í lagi nema af því að mamma og pabbi voru í bænum og var ekki von á þeim strax. Við ákváðum því að fara á rúntinn þangað til þau kæmu heim. Klukkan ellefu eða tveim tímum síðar og eftir að við vorum búnar að læra öll götuheitin utan af þá ákváðum við að reyna að brjótast inn. Það gekk heldur brösulega til að byrja með enda vorum við ekki beint klæddar fyrir innbrot og veðrið var frekar leiðinlegt en á endanum tókst þetta og sem betur fer því að mamma og pabbi komu ekki fyrr en um eittleytið og ég hefði ekki meikað að bíða svo lengi.

Nú eru bara tveir dagar í að við förum á Djúpavog og jólin alveg að koma og þá er líka afmæli, jei....

Hafiði það gott og ekki of mikið stress fyrir jólin :-)

Gott að vera komin heim

2005-12-12T17:27:00.000+01:00

Já, það er svo sannarlega gott og ferðalagið gekk bara vel. Við lögðum af stað frá Árósum klukkan hálf sjö að morgni fimmtudags (lokal time) og tókum rútuna alla leið á Kastrup. Við erum meira að segja orðnar svo danskar að við tókum með okkur nesti svo að við þyrftum ekki að kaupa einhvern ógeðis mat á uppsprengdu verði, hehehehe. Þannig að það eina sem var keypt voru tveir kaffibollar fyrir utan það sem var keypt í fríhöfninni hérna heima, maður verður að nýta tollinn sinn.

Á leiðinni í rútunni horfðum við á Sódómu, sem er bara klassík, og svo þegar við komum í flugvélina sat Moli (Helgi Björns.) bara rétt hjá okkur. Ég get ekki neitað því að manni langaði soldið að koma með nokkra frasa á hann úr myndinni en vá hvað hann hefur örugglega oft lent í því. T.d. það sem að ég er búin að vera með á heilanum núna: "Hvað er að kók og pepsí?" svar: "Uppköst, niðurgangur, höfuðverkur og hiksti". Þetta er svo fyndið (þetta er atriðið þegar þeir eru að brugga hjá Mola).

Annars er planið bara að vera heima og læra en maður kíkir nú kannski í bæinn svona öðru hvoru. Ég ætla líka að reyna að vinna eitthvað því að maður er náttúrulega búinn að eyða um efni fram.

Við kíktum samt á djammið á laugardag en Anton var að halda upp á afmælið sitt á Ara í Ögri og við gátum ekki látið það fram hjá okkur fara. Það var náttúrulega þvílíkt stuð enda ekki annað hægt þegar svona skemmtilegu liði er safnað saman.

Jæja, verð að halda áfram að læra................. bæjó

Ekki á morgun heldur hinn

2005-12-06T20:56:00.000+01:00

Þá kem ég heim og mikið hlakka ég til. Skrítið því að ég gat ekki beðið eftir því að komast út í ágúst en nú er ég svo spennt að koma heim. Þetta er líka bara hollt fyrir mann því að maður fer að meta margt svo miklu meira en maður gerði áður t.d. fjölskyldu manns og vini.

Gústi kom í heimsókn til okkar á föstudaginn, tilgangurinn var verslunarleiðangur og á hann hrós skilið fyrir það, en þar sem að hann virðist ekki vera maður sem stendur við plön sín þá endaði þetta náttúrulega með djammi þrátt fyrir að hann hafi ætlað heim aftur um kvöldið.
Laugardagskvöldið var mun rólegra en þá hittumst ég, Ragna, Regína og Ragnheiður heima hjá Regínu og þar var haldið Desperate Housewifes maraþon. Við horfðum á fyrstu átta þættina í nýju syrpunni og átum nammi og snakk með. Það var sko ekki ein leiðinleg mínúta í þessu maraþoni en það stóð yfir frá átta um kvöldið til rúmlega tvö um nóttina með pissustoppum og ég hefði alveg getað horft á átta í viðbót ef það hefði verið í boði. Þetta eru náttúrulega snilldar þættir.

Annars er voða lítið að frétta. Ég er alveg komin í jólaskapið samt enda erum við systur búnar að vera duglegar í búðunum síðustu daga. Við fengum líka þær fréttir út að við ætlum að vera á Djúpavogi um jólin sem verður geggjað því það eru nokkur ár síðan það gerðist síðast svo að það verður stuð inn á Melshorni um jólin, án efa.

Ég ætla að segja þetta gott í bili. Kannski maður byrji bara að pakka.

Bæjó

p.s. verið ófeimin við að kommenta. Alltaf gaman að fá komment

Mugison og slabb í Árósum

2005-11-28T20:40:00.000+01:00

Þá eru bara níu dagar þangað til að ég kem heim og ég er ekki frá því að maður sé orðinn soldið spenntur. Tíminn líður líka svo hratt núna því það er svo mikið að gera. Fullt af verkefnaskilum og svo er ég alltaf að uppgötva eitthvað nýtt og nýtt verkefni sem við eigum að skila og ég vissi ekki af. En það er svona að vera útlendingur.

Á laugardagskvöldið fórum við á tónleika með Mugison á Voxhall og þar var margt um manninn. Tónleikarnir voru geggjaðir og þar sem að ég var nú enginn brjálaður aðdáandi þá finnst mér hann bara betri núna.
Eftir tónleikana fórum við heim og það var haldið svaðalegasta partý sem hefur verið haldið hér, kannski ekki svaðalegasta (því það var afmælið hans Hjalta), en allavega það fjölmennasta og fylgir fast á hæla partýsins sem að vermir fyrsta sætið. Þetta gæti líka hafa verið í síðasta skiptið sem að við höldum partý hér svo að það mátti alveg vera almennilegt. Í þessu partýi voru aðallega Íslendingar en þar sem að Pouria, norski vinur okkar sem býr á móti okkur, var líka með partý þá ákváðum við bara að sameina þetta í eitt.

Nokkrir punktar af kvöldinu:
-einhver stelpa sofnaði inní herbergi hjá Rögnu og Sindra
-einhver læsti sig inná klósetti því að hurðarhúnninn datt af (ég kom til bjargar)
-fólk var að halda á fólki (ekki vegna ofdrykkju heldur skemmtunar, held ég)
-ótrúlegt en satt þá brotnaði ekkert eða hlaut skaða (ekkert veraldlegt þ.e.a.s.)
-Sindri gaf trefilinn sinn
-sumir gleymdu lyklunum sínum, aðrir vöknuðu ekki svo að húsvörðurinn var vakinn klukkan fimm um nóttu (en hann fær fallega jólagjöf að launum)

Af bæjarlífinu er það að frétta að á föstudagskvöldið var kveikt á jólaljósunum í bænum og allar búðir voru opnar til tólf á miðnætti. Í morgun tók svo við slabb og leiðindi þannig að ég ákvað að fara ekki á hjóli í skólann af ótta við að hljóta meiðsli en um tvöleitið í dag var eiginlega allt bráðnað. Veðrið var samt æðislega fallegt og gott og ég vona að þetta hafi verið smá "preview" af því hvernig þetta er heima en ég óttast að það sé verra.
Ég held að ég sé komin í jólaskap enda skreyttum ég og Ragna aðeins í gær við mikla lukku "The Grinch" (Sindra).

Ég ætla að segja þetta gott í bili en ég setti inn myndir af kvöldinu sem þið getið séð hér .

P.s. ég vil óska Ragnheiði til hamingju með afmælið á sunnudaginn og Guðrúnu Önnu, Þóri og Aron Daða til hamingju með litla snáðann sem ég hlakka mikið til að sjá :-)

Kosningar og nýjar myndir

2005-11-18T11:17:00.000+01:00

Við systur sömdum um það að ég myndi sjá um að skrifa um stjórnmálin hér í Århus, Ragna sæi um innflytjendamál og Regína sæi um kynlífsfréttir og annað:-)
Nei, nei þetta var nú meira sagt í djóki en í alvöru en ef þið eruð mjög áhugasöm um pólitíkina hérna þá skal ég segja ykkur hvernig kosningarnar fóru.

Það fór þannig að hin 27 ára Louise Gade sem hefur verið borgarstjóri hér í Århus síðast liðin fjögur ár þurfti að víkja fyrir Nikolai Wammen en flokkur Louise eða flokkur vinstrimanna hlaut 33,5 % atkvæða (55.505 atkv.) meðan Sósialdemókrataflokkurinn (flokkur Nikolai) hlaut 38,7 % atkvæða (64.191 atvk.). "Minn flokkur" eða kennara míns, flokkur íhaldssamra hlaut aðeins 3,5 % atvkæða (5.873 atkv.). Ég og Ragna héldum eiginlega með þeim því þeir vilja að Århus fái alþjóðlegan flugvöll.
Louise hlaut samt flest einstaklingsatkvæði eða 42.000 og mun því setjast í borgarstjórnina, skilst mér, og getur því farið að einbeita sér að persónulegum stjórnmálaframa (ef svo má að orði komast). Alls kusu 232.507 manns eða 71,3 %.

Jæja, nóg komið af pólitík en ég var að setja fullt, fullt af myndum inn á myndasíðuna mína síðan við komum út. Ef tið viljid skoða þá eru þær hér

Ha´ en god weekend

Smá "update"

2005-11-15T16:07:00.000+01:00

Veðurguðirnir hér í Árósum hafa verið að stríða okkur undanfarið og í gær hélt ég í smá stund að ég væri komin til Íslands því að það var svo mikill vindur.
Annars hefur ekkert stórmerkilegt gerst hér síðastliðna viku. Að vísu eru að fara í gang sveitarstjórnakosningar hér í Danmörku sem ég hef reyndar ekkert kynnt mér en þegar ég var á leiðinni í skólann í síðustu viku þá var búið að hengja upp fullt af kosningaplakötum með myndum af fólki á hverju og einu þeirra sem styður hvert sinn flokk. Ég var svona að kíkja á þetta með öðru auganu og verður þá litið á eitt plakatið fyrir íhaldssama flokkinn hérna í Árósum (C-konservativ) og sé ég þá ekki bara kennarann minn í EU ret og politik, Jonny Trapp Steffensen, með sitt fínasta bros. Þannig að ég held bara með honum því hann er fínn og líka af því að ég sá annað plakat fyrir íhalssama flokkinn og það var mjög myndarlegur maður á því og ég held meira að segja að hann sé í öðru sæti fyrir flokkinn hérna.

Í síðustu viku fór ég í fyrsta skipti í ræktina mína en ég var svo heppin að vera ein af fáum sem náðu að kaupa kort í fitnessið í skólanum en það kostar bara 300 danskar krónur (3000 kr. íslenskar) fyrir sex mánuði. Þetta selst nefnilega alltaf strax upp og ég man að þeir byrjuðu að selja kortin klukkan níu um morguninn og ég ákvað að kíkja klukkan tíu mínútur í tíu því að það var ennþá röð og þegar röðin var komin að mér þá var eitt kort eftir þannig að ég var mjög heppin í þetta skiptið. En það tók mig samt tvo mánuði að byrja en þetta er mjög lítið og krúttlegt kannski jafnstórt og tækjasalurinn á Djúpavogi en smá galli því það er ekkert hlaupabretti en fullt af öðrum tækjum. Ég fór sem sagt í tíma sem heitir push og er örugglega svipað og body pump og við vorum alls sex sem tókum þátt fyrir utan kennarann. Mér varð nú hugsað til þess þegar maður var í aerobicinu á Djúpavogi og ég er viss um að þátttakan hafi verið meiri þar. Tíminn skilaði allavega sínu og harðsperrurnar voru sko ekki litlar daginn eftir.

Þessa stundina er ég að reyna að finna mér ritgerðarefni fyrir ritgerð sem ég á að skila í janúar. Það gengur ekkert allt of vel. Vandamálið er að ég er ein að skrifa hana og því má hún ekki vera of löng og öll efnin sem mér datt í hug voru of breið svo að ég er að reyna að þrengja þetta eitthvað. Ég hef samt ágætis tíma til þess að vinna í þessu og ég og Ragna erum búnar að panta okkur flugfar heim þann 8. desember svo að við getum dundað okkur við lærdóminn heima og ég hlakka mjög til :-)

Jæja, nú verð ég að hætta þessu og halda áfram að lesa

Adios

Spakmæli dagsins er......

2005-11-06T19:36:00.000+01:00

....Tous les jours pas dimanches (ekki eru allir dagar sunnudagar).
Ég er að spá í að henda inn svona spakmæli af og til. Reyni samt að hafa þau skemmtileg:) Fannst það við hæfi að hafa fyrsta spakmælið franskt þar sem það er svo fallegt mál og ég er að þykjast læra það.

Ég hef tekið eftir smá munstri á þessu bloggi mínu og það er að ég tala alltaf bara um djammið. Það mætti halda að ég gerði ekki neitt annað. Að vísu viðurkenni ég fúslega að ég hef ekki sýnt lærdómnum of mikið en ég er að fara að taka mig á. Ég hef líka verið svo upptekin á tölvunni minni síðan hún kom því ég var búin að telja mér trú um að þá skyldi ég sko fara að sinna náminu:) En ég hef aðallega verið á netinu því við höfum eiginlega ekkert komist á netið heima.
Var einmitt að horfa á Silvíu Nótt og þetta er svo fyndið.

Mamma kom í heimsókn til okkar síðustu helgi og það var æðislegt að hafa hana enda líka farið að votta fyrir smá heimþrá. Pabbi var ekki með í för því hann var í Afríku að klífa fjöll. Stundum skil ég ekki hvar hann fær þessa orku. Hann kom heim til Íslands á fimmtudaginn s.l. og fór beint í vinnu daginn eftir og keyrði svo á Djúpavog eftir það og ég nennti ekki einu sinni í eina tímann sem ég átti að fara í þann daginn. Er það ekki hámark letinnar?
Ég ætla að reyna að koma snemma heim í jólafrí, vonandi í kringum 8. desember. Ég þarf bara aðeins að fá það á hreint hvort að það sé ekki í lagi því að mér skilst að það sé próf í frönsku í kringum tuttugasta desember en ég nenni ekki að bíða svo lengi. Það væri nefnilega svo fínt að geta bara farið heim og unnið í ritgerðinni sem ég á að skila eftir áramót.

Ég, Ragna og Bára kíktum aðeins á lokahófið hjá fótboltaliðinu okkar í gær bæði hjá kvenna og karlaliðinu. Við fórum samt ekki á matinn en komum þarna um hálftólfleytið þegar dagskráin var búin.
Það hefur oft verið sagt að íþróttafólk séu verstu eða mestu djammararnir og þetta var engin undartekning. Ég bjóst nú ekki alveg við svona mikilli ölvun en hún var töluverð. Það voru gjörsamlega allir á eyrunum. Ein stelpa sagði mér að þetta hafi byrjað á því að allir tóku tequila skot áður en dagskráin og maturinn hófst. Svo var skotkeppni milli borða og það er því engin furða að fólk hafi verið ölvað. Við fengum strax tvö skot þegar við komum og stelpan sem bauð okkur tók líka tvö og svo spurðum við hana hvort hún drykki bara sterkt (því hún var bara að drekka skot) en hún sagðist nú fá sér bjór inná milli. Ég hélt samt að það væri öfugt þ.e. að maður sötraði bjór og fengi sér skot inná milli. Hún var samt örugglega spakasta manneskjan á svæðinu.

Jæja, verð að hætta þessari vitleysu og fara að lesa.

Nýjar myndir

2005-11-02T23:07:00.000+01:00

Ég ákvað að skella nokkrum nýjum myndum inn í tilefni af því að ég er búin að fá tölvuna.....JIBBÝ
Ég á samt eftir að setja fullt í viðbót. Ef þið viljið skoða það sem komið er þá eru þær hér.

Njótið vel

Fótboltapartý og Køben

2005-10-27T13:45:00.000+02:00

Tad er ansi langt sídan ég hef skrifad en ég var búin ad ákveda ad ég ætladi ekki ad skrifa fyrr en ég fengi tølvuna mína og hún er ekki enn komin svo ad ég nenni ekki ad bída lengur.

Í sídustu viku var haustfrí í skólanum mínum og mín ætladi sko svoleidis ad læra í fríinu en audvitad komst ég einhvern vegin hjá tví.
Laugardaginn fyrir haustfríid var sídasti leikurinn hjá fótboltalidinu okkar og ad tví tilefni var smá partý um kvøldid. Reyndar var tetta heljarinnar partý og ég skemmti mér gedveikt vel.
Ég verd samt ad vidurkenna ad ég var ekkert allt of spennt fyrir tessu tví ad mér finnst ég ekki ordin tad gód í dønskunni ad ég geti haldid uppi samrædum og tess háttar en tad er ótrúlegt hvad smá áfengi getur hjálpad til:) En madur má náttúrulega ekki fara yfir strikid tví tá er madur bara í ruglinu. En ég held ad vid systur høfum alveg haldid okkur innan teirra marka.
Stelpurnar í lidinu eru sko algjørir studboltar og vid fórum í alls konar skemmtilega leiki og tess háttar. Ég komst líka ad tví ad tad eru trjú pør í lidinu, t.e. tjálfarinn er med einni stelpu og svo eru tvø stelpupør.
Eftir partýid fórum ég og Ragna og nokkrar stelpur í bæinn. Vid kenndum teim ad syngja Gamla Nóa og tær voru ordnar helvíti gódar í tví.

Í haustfríinu skrapp ég med Soffíu Tinnu til Køben og tar var ég hjá Valdísi og Loga en tau høfdu verid hér helgina á undan og vid fórum øll samferda til Køben á tridjudagsmorgni.
Ferdin byrjadi rólega tví vid høfdum lent á smá djammi á mánudagskvøldinu svo ad fólk var mishresst á tridjudeginum. Vid gerdum svo sem ekkert merkilegt nema ad hanga í bænum, fara á kaffihús og tess háttar. Á fimmtudagskvøldinu fórum vid á djammid nidrí bæ. Vid fórum á stad sem vid turftum ad borga okkur 30 kr. danskar inn og máttum drekka eins mikinn bjór og vid gátum til klukkan eitt. Tannig ad madur reyndi ad thamba:-) Eftir tad ætludum vid á annan stad en tá týndum vid Valdísi svo ad ég og Soffía ákvádum ad fara heim. Tegar vid komum heim tá lentum vid í partýi hjá einhverjum gaurum á kollegi-inu og tar eignadist ég eitt stykki mexíkanahatt. Alls ekki slæmt. Tegar vid komum svo í íbúdina okkar tá hringdi Valdís og vid ákvádum ad skella okkur aftur nidrí bæ (hefdum betur sleppt tví).
Tad endadi allavega ekki betur en svo ad tegar vid vorum á leidinni heim med metroinu klukkan um fimm um nóttina tá hafdi Soffía gleymt veskinu sínu heima og ekki borgad fyrir leidina og tad endadi allavega med tví ad hún var send ein med løggubíl á løggustødina. Ef tid viljid lesa nánar um tetta tá bendi ég á síduna hennar Soffíu.
Daginn eftir ákvad ég ad nú væri nóg komid og fór aftur heim til Århus eftir vidburdaríka dvøl í Kóngsins Køben.

Í kvøld kemur mamma og tá verdur kátt í høllinni:-)
Pabbi hefur einnig hug minn allan tessa dagana en hann gæti akkúrat núna verid á toppi Kilimanjaro. Vonandi gengur allt vel hjá honum.

Jæja, nú tarf ég ad drífa mig heim tví ég vona ad tølvan mín komi í dag og tá mun ég sko byrja ad blogga eins og ég hafi aldrei bloggad ádur og einnig verda tídur gestur á msn-inu.

Bless í bili

Lífid er ekki alltaf dans á rósum...en oft samt

2005-10-07T14:03:00.000+02:00

Ég get nú ekki sagt ad tetta sé búid ad vera skemmtilegasta vikan í mínu lífi en ørugglega ekki sú leidinlegasta heldur. Tetta er búid ad vera svona upp og nidur. Gódu dagarnir eru gódir en slæmu dagar eru slæmir. Tad gleyma bara allir ad segja manni ad tetta sé ekki bara skemmtilegt. En tad er ørugglega út af tví ad madur man aldrei eftir tessu leidinlega og erfida eda vill ekki muna eftir tví.

En ég ætla ekki ad tala um neitt leidinlegt núna.

Sídasta laugardag fórum vid sambýlingarnir út á lífid. Kvøldid byrjadi á tremur vel heppnudum Cosmopolitan kokteilum en vid turftum ad bæta fyrir heldur misheppnada Cosmo-a nokkrum vikum ádur. Sídan var farid á Waxies en tar var Ane-Cat ad halda upp á afmælid sitt.
Tad vill svo skemmtilega til ad hún var nebblega med Soffíu á Brusagardi sídasta vetur og er svo med mér í frønsku núna (what are the odds, what are the odds)!! Líkurnar eru nebblega ekki miklar tví tad eru 40.000 háskólanemendur hérna, hvorki meira né minna.

Tad er eitt sem ég er búin ad taka eftir vid Århus er ad tad er svo mikill smábæjarfílingur hérna midad vid ad tetta sé 300.000 manna borg. Ég er til dæmis alltaf ad rekast á einhver bekkjarsystkini mín nidrí bæ og svo tegar Soffía var ad fá lyklana af íbúdinni sinni frá stelpunni sem var ad flytja út tá er tetta stelpa sem er med mér í nokkrum tímum......já svona er heimurinn lítill.

Soffía var sem sagt ad flytja út frá okkur á mánudaginn og tad má segja ad tad hafi verid blendnar tilfinningar tví ad vid vorum farin ad venjast tví ad hafa hana. En hún fór ekki langt svo ad vid getum nú heimsótt hana og hún okkur.

Vid systur fórum á tridju fótboltaæfinguna í gær og tad var mjøg gaman, erfitt en gaman.
Tær eru nebblega helv.. lúmskar tessar dønsku tví ad tegar vid sáum til teirra fyrst tá fannst mér tær nú ekkert sérlega gódar en tær leyna svo sannarlega á sér tví tær eru drullugódar. Tær eru bara ødruvísi en tad sem vid erum búnar ad venjast. Tær geta hlaupid eins og hýenur og tær spila mjøg vel og ekkert bara stinga boltanum eda thruma fram og tær sem geta skotid tær skjóta. Tær eru líka búnar ad vera svo geggjad almennilegar ad ég hef bara aldrei kynnst ødru eins. Á midvikudaginn unnu tær Handelshøjskolen (minn skóli) og eru tví komnar í efsta sæti í sinni seríu og held ad tær séu komnar upp um seríu en ég skildi tetta ekki alveg. Allavega eitthvad gott.

Á mánudaginn er ég ad fara ad flytja fyrirlestur um fyrri heimsstyrjøldina á frønsku (for crying out loud). Mér líst nú ekkert allt of vel á tetta en ég er nú ekki ein tví ad tetta er ad sjálfsøgdu hópverkefni eins og Dønum einum er lagid. Ég er sem sagt í hóp med Louise, Julie og Jeppa. Sem er náttúrulega ekkert merkilegt nema ad mér finnst fyndid ad Jeppi skuli heita Jeppi (heitir reyndar Jeppe en madur segir Jeppi) en tegar madurinn sagdi eftirnafnid sitt tá átti ég mjøg bágt med mig. Hann heitir nebblega Jeppe Brund (já, tad er stafad svona). Ég er nú ekki búin ad leggja tad á mig ad útskýra fyrir honum hvad tetta týdir á íslensku en ég ætla bara ad segja honum ad vera ekkert ad fara til Íslands.

Er tetta ekki bara ordid gott í bili.

Hafidi tad gott um helgina

"Klukk"

2005-09-28T21:44:00.000+02:00

Ok, ég veit sem sagt núna hvað þetta "klukk" er og ég verð því að skrifa nokkrar staðreyndir um sjálfa mig (svona ´useless informations´ held ég) .

1. Ég er tvíburi en samt steingeit

2. Ég get horft á margar sjónvarpsstöðvar í einu og verið með allt á hreinu hvað sé að gerast á hverri þeirra (enda er systir mín "The human TV-program")

3. Mér tekst mjög auðveldlega að finna mér eitthvað annað að gera þegar ég ætti að vera að læra (eins og núna)

4. Ég er matgæðingur

5. Ég hef fengið ótrúlegustu hluti í nefið á mér og það virðist vera mikið fyrir mér en ég hef bara einu sinni nefbrotnað (ég segi að ég sé með bein í nefinu)

Jæja, þá eruði aldeilis fróðari og eflaust mjög ánægð með þessar upplýsingar.

Annars er ekki mikið búið að gerast síðan við komum aftur út. Ég var samt ansi þreytt eftir ferðalagið enda ekki mikið sofið en þetta var svo rosalega gaman að ég hefði alls ekki viljað missa af þessu.

Ég, Ragna og Bára Rós fórum á fótboltaæfingu í gær með liði sem heitir JAI og er kvennalið fyrir stelpur sem eru hér í háskóla (held ég). Ég held allavega að þetta sé ekki endilega fyrir einhvern ákveðinn háskóla. Þetta var rosa gaman þrátt fyrir smá rigningu og stelpurnar voru ótrúlega almennilegar og við ætlum aftur á morgun og síðan er partý 15. október þannig að ég ætla allavega að reyna að þrauka þangað til, hehe

Ég er líka að reyna að kaupa mér tölvu því að ég er búin að bíta það í mig að ég geti ekki lært nema ég sé með tölvu (sem er ekki alveg satt en það hjálpar mikið). Þá getur maður líka farið að msn-ast og svona.

En vissu þið að Days of Our Lives er í alvörunni sápuópera? Ég komst að því þegar ég kom hingað út en ég hélt að þetta hefði bara verið búið til í Friends. Það var einmitt mjög fyndið atriði í þættinum sem ég sá en þá var strákur (um tvítugt ca.) að ýta kærustunni sinni í rólu á róluvelli og þetta var svaka atriði. Hann var farinn að ýta henni svolítið hratt og þetta var sýnt hægt og það er svaka svipur á stelpunni og hún dettur úr rólunni (reynið að ímynda ykkur sápuóperuatriði með andlitssvipnum og allt) og strákurinn hleypur að henni þar sem hún liggur á jörðinni og hann segir: "I shouldn´t have pushed you so fast." Hún segir að þetta sé allt í lagi og stendur upp og labbar aðeins áfram og svo líður yfir hana.
Þetta var bara svo ógeðslega fyndið að ég varð að deila þessu með ykkur en þetta kennir manni líka að vera ekki að róla sér eða að láta ýta sér því það er bara hættulegt.

Jæja, kannski maður reyni að læra smá fyrir svefninn

hej, hej

p.s. Eitt annað með Days of Our Lives en Kevin bassaleikari í Jay Leno leikur í þessu

Hann á afmæli í dag, hann á afmæli í dag...........

2005-09-23T13:14:00.000+02:00

....... hann á afmæli hann pabbi, hann á afmæli í dag!!!!!!!!! Innilegar hamingjuóskir til elsku pabba míns!

Og af því tilefni er ég kominn til Íslands til þess að fagna þessum áfanga með familíunni enda er kallinn orðinn fimmtugur og fær í flestan sjó.

Hann er fimmtugur í dag!

Við lentum á Keflavíkurflugvelli um miðnætti í nótt og vorum ekki komin til Þorlákshafnar fyrr en um hálf tvö og þar beið matur og kræsingar. Þannig að við vorum ekki farin að sofa fyrr en um þrjúleytið eða reyndar fimmleytið á okkar tíma (dönskum tíma).
Um sjöleytið í morgun heyri ég söng fyrir utan húsið og þá er þar mættur hópur af karlmönnum með trompet og básunu (eða eitthvað lúðrasveitadót), syngjandi afmælissönginn fyrir pabba. Þetta er örugglega furðulegasta uppvakning (segir maður það ekki) sem ég hef lent í en mjög fyndið samt :-)

Jæja, þetta er bara stutt núna enda erum við að fara í Bláa Lónið og svo er heljarinnar veisla í fjörukránni í kvöld.

Bæjó

Hver laug tví ad mér ad tetta land væri flatt?

2005-09-15T15:35:00.000+02:00

Allavega tókst einhverjum snillingi ad setja brekku med 45 gráðu halla (hehe Halla) akkúrat ad skólanum mínum þannig að þegar ég kem í skólann, á hjólinu náttúrulega, tá er ég vel rauð í framan og sveitt......sem er ekki fallegt. Ég er samt búin ad finna ýmsar aðferðir við þessu (fyrir utan það að vera alltaf komin hálftíma fyrr) eins og að labba hálfa brekkuna og hjóla hálfa.
Ég ætti reyndar ekkert að vera að kvarta því að Sindri þarf að hjóla sömu brekku nema bara miklu, miklu lengra....hehehe

Skilningurinn hefur lagast aðeins en er samt ekki uppá marga fiska. Ég er alltaf sú eina sem hlær ekki þegar kennarinn segir eitthvað fyndið. Fólk heldur örugglega að mér finnist þetta bara ekkert fyndið.
Þetta nám er aðeins erfiðara en ég bjóst við. Málið er að þetta væri alveg flókið þó að námsefnið væri á íslensku þannig að ég þarf að leggja extra hart að mér og ég er ekki alveg með metnað fyrir því eins og er. Svo er mjög mikið lagt upp úr því ad vinna í hópum eða reyndar er bara allt unnið í hópum. Danirnir eru víst mjög hrifnir af hópavinnu. Ég veit reyndar ekki hvernig þetta er í háskólunum heima, kannski er þetta líka svona?

Mér fannst ég í fyrstu alltaf vera með nýju og nýju fólki í tímum og skildi ekki alveg hvernig þetta væri eiginlega en ég komst að því í gær að við erum bara þrjú í frönsku og evrópufræðum svo að ég er með sér hópi í evrópufræðigreinunum (politik og økonomi, EU ret og law og fl.) og sér hópi í frönskutímunum og svo erum við einhver slatti (200 manns) saman í nokkrum tímum eða fyrirlestrum.

Að öðru leyti gengur lífið bara ágætlega. Ég, Ragna, Bára og Soffía ætlum að reyna að stofna smá stelpulið í fótbolta. Það gengur ekkert allt of vel. Okkur langar bara að hafa svona smá skemmtun eins og tvisvar í viku til þess að leika sér í bolta svo kannski þróast það eitthvað meira. Vandamálið er bara að það vantar stelpur þannig að ef þið vitið um einhverjar þá megiði láta þær vita.

Jæja, bara smá skrif í þetta skiptið og ég er alveg að fara að setja inn myndir, jíha!!!

Útlendingur, flutningar og veisluhøld

2005-09-06T14:25:00.000+02:00

Afsakid skrifletina en vid erum ad vinna í tessu med internetid.

Ég er sem sagt byrjud í skólanum og adeins tveir kennsludagar búnir og ástandid er frekar slæmt. Ég skil ekki neitt og veit ekki neitt og eina hugsunin sem kemst ad í hausnum á mér er hvern djøfulinn ég sé ad pæla. Ragna, Sindri og Soffía reyna samt ad peppa mig upp og segja ad tetta hafi líka verid svona hjá teim og ég turfi bara ad gefa tessu tíma.... tvo til trjá mánudi. Tad er bara svo leidinlegt ad vera eini útlendingurinn og vera alltaf eins og einhver hálfviti og geta ekki tekid tátt í neinum umrædum eda neitt.....uhuhuhu :(

Jæja, ég nenni ekki ad tala meira um tetta.

Sídasta mánudag var skólasetningin og ég mætti ad sjálfsøgdu en stoppadi stutt tví tad var búid ad segja okkur ad vid gætum sótt búslódina okkar, sem vid sendum med skipi frá Íslandi, milli eitt og fjøgur. Tegar ég kom heim sá ég á svipnum á Røgnu og Sindra ad ekki var allt med felldu. Tá høfdu tau hringt nidur á skrifstofu Samskip hér í Árósum til tess ad vera alveg viss um hvert vid ættum ad sækja dótid en fengid tau svør ad gámurinn sem dótid okkar lenti í væri í tollinum og vid gætum ekki fengid tad í dag. Tetta hefdi kannski ekki verid neitt mál nema ad vid vorum búin ad leigja okkur sendiferdabíl í einn dag sem vid høfdum engin not fyrir. Vid vorum sem sagt ekki mjøg sátt.

Daginn eftir vorum vid nú viss um ad vid gætum fengid dótid okkar og vøknudum eldspræk og full tilhløkkunar. En tad voru bara sømu svør t.e. tid getid ekki fengid dótid ykkar tví tad vantadi víst einhverja pappíra frá Íslandi. Vid skildum nú ekkert í tessu lengur og hringdum til Íslands til tess ad tékka á tessu. Tá kom tad í ljós ad einhver FÁVITI hafdi sett tvø bretti af gæludýrafódri í sama gám og dótid okkar var í og tad átti náttúrulega ekkert ad fara med og tví turfti ad fá dýralækni til tess ad fara yfir gáminn og svo vantadi einhverja pappíra frá eigendum gæludýrafódursins á Íslandi. Ég og Ragna hjóludum tví nidur á skrifstofu Samskip og spurdum hvenær vid gætum sótt tetta og hvort vid fengjum tetta ekki sent frítt heim tví vid vorum búin ad eyda pening í bíl sem vid gátum ekki notad og tetta voru náttúrulega mistøk hjá teim ad vera ad senda eitthvad gæludýrafódur med búslódum. Kjéllingin á skrifstofunni sagdist ætla ad skoda tetta en sagdi ad vid gætum ørugglega fengid dótid um hádegi daginn eftir.

Á midvikudeginum vorum vid nú alveg viss um ad í dag mundum vid fá dótid okkar. Og hvad haldidi? Vid máttum sækja tad milli eitt og fjøgur.... jíha. En vid vorum ekki tilbúin til tess ad leigja annan bíl eda láta Samskip senda okkur tetta heim fyrir 14.000 ísl kr. svo ad allur dagurinn fór í tad ad hringja nokkur símtøl og á endanum hófst tetta svo ad vid fengum dótid sent heim ad dyrum á hádegi fimmtudags, jibbí.

Hjalti, bródir Sindra, kom til okkar á midvikudaginn og hann átti afmæli á føstudaginn svo ad tad var haldin heljarinnar veisla enda kom hann færandi hendi frá Íslandi med lambalæri, endur, pylsur, hangiálegg og hardfisk. Tad var ákvedid ad hafa kántrítema tví vid gáfum Hjalta alveg møgnud gúmmikúrekastígvél í afmælisgjøf. Allir gestir veislunnar fengu ákvedid verkefni vid bordhaldid sem teir einir vissu hvad var og var tetta ordid ansi skondid tegar lída tók á bordhaldid. Einn gesturinn(Thórdur) stód alltaf upp reglulega og hélt rædu til heidurs afmælisbarninu, afmælisbarnid stód reglulega upp og søng afmælissønginn fyrir sjálfan sig, Sindri og Øssi skiptust á ad opna og loka gluggum, Regína skáladi allan tímann og Bjøssi kvartadi undan tónlistinni.
Sídan var farid í bæinn enda festugen enntá og nóg um ad vera.

Daginn eftir var svo ekki slegid sløku vid heldur skelltum vid okkur í Djurs Sommerland (allir nema Ragnhildur tví hún fékk titilinn thynnkudrottningin). Vid vorum ad vísu heldur seint í tví en vorum komin klukkan trjú (tók dágódan tíma ad komast tangad) og nádum ad skella okkur í vatnalandid, í einn rússíbana, torfærubíla, trampolín og fleira. Reyndar misstum vid af sídustu rútunni til Århus svo ad vid turftum ad bída í einn og hálfan tíma og taka rútu til Randers og tadan til Århus. En tetta var ekkert smá gaman og allt í lagi ad lenda í smá roadtrip enda hef ég aldrei komid til Randers svo ad tad var nú bara gaman.

Tegar vid loks komum heim vorum vid svo daudthreytt ad vid ákvádum bara ad horfa á Finding Nemo en ég held ad flestir hafi sofnad eftir svona tvær mínútur nema Hjalti.

Jæja, nú er ég aldeilis búin ad bæta upp fyrir skirifletina og vonandi get ég sett inn myndir fljótlega.

Hej, hej

Heiiiiiiiittttt.........

2005-08-26T12:25:00.000+02:00

Sorrý, Addi, en tad er búid ad vera svo heitt hérna. Tegar vid lentum í Køben kl. 20:30 á laugardagskvøldid tá var hitinn úti 26 grádur og tad tykir mér mikid. Enda turfti ég ad skreppa í H&M til tess ad kaupa føt vid hæfi. Ad vísu fengum vid smá rigningu í gær svo ad kannski er gledin á enda:(

Annars er búid ad vera heldur tómlegt hjá okkur tví dótid okkar er ad koma med skipi frá Íslandi og vid getum sótt tad á mánudaginn. Vid erum reyndar búin ad fara í nokkrar ferdir í Ikea, Bilka og Jysk og høfum fjárfest í bordi, stólum og sófa. Sófinn kemur til okkar í dag og tad verdur spennandi ad sjá hvernig hann kemst upp á fimmtu hæd til okkar:) Madur verdur kominn med tvílíka rassinn og lærin eftir allar tessar trøppur.

Sídan bættist Soffía Tinna í gledina til okkar á midvikudaginn og hún er búin ad koma sér ágætlega fyrir uppá svefnlofti og verdur hjá okkur eitthvad áfram eda tangad til hún fær íbúd. Tad er einnig von á Hjalta Thorkels og Ragnhildi í næstu viku tannig ad tad verdur stud á Rosenkrantzgade. Festugen byrjar í kvøld og verdur næstu viku (eins og nafnid gefur til kynna) og tá verdur stud í bænum, tónleikar á hverju horni og ýmsir vidburdir. Tá er ekki leidinlegt ad búa í midbænum:)

Skólinn byrjar svo á mánudaginn med einhverri kynningu og tá fæ ég stundaskrána mína. Sídan verdur ørugglega einhver busaferd eins og tídkast hérna og tad er eiginlega bara fyllerísferd í tvo daga eda eitthvad. Kennslan hefst sídan 5. sept. Ég veit adeins meira um tetta nám sem ég er ad fara í en tad er t.d. stjórnmál í Evrópu og Evrópurétturinn (veit ekki alveg hvernig á ad týda tetta). Thetta er allavega mjøg svipad og ég bjóst vid.

Jæja, nenni ekki ad skrifa meira í bili.

Kvedja, Halla

p.s. afsakid lyklabordid tví vid erum ekki komin med netid svo ad tetta verdur svona til ad byrja med

Bjórland.......ég er að koma!

2005-08-20T14:07:00.000+02:00

Þá er ég farin og næsta færsla verður skrifuð í Danmörku.

Bæ, bæ

It´s the final condom (eða countdown)..............

2005-08-10T10:53:00.000+02:00

Niðurtalningin er hafin. Aðeins tveir dagar eftir í vinnunni og ég verð að segja að sú tilfinning er góð. Það verður líka heljarinnar veisla síðasta daginn minn en ég skellti í tvær kökur um helgina og ætla að fara með eitt stykki tertu í vinnuna á föstudaginn og síðan ætlum við staffið út að borða á Apótekinu um kvöldið og eflaust endar það með smá djammi ef ég þekki samstarfsfélaga mína rétt.

Annars er ég byrjuð að pakka eða reyndar var allt tilbúið því það hefur bara verið í geymslu í bílskúrnum síðan ég flutti úr Leirubakkanum. Ég og Ragna tókum þó smá törn á laugardaginn og skipulögðum kassana betur til þess að vera ekki að flytja út dót sem þau skötuhjú eiga fyrir.
Það var þó smá hængur á því að nokkrir óboðnir gestir trufluðu vinnu okkar mikið. Þessir óboðnu gestir kallast kóngulær og eru ekki vinir okkar Rögnu og þótt víða væri leitað. Við þurftum því að fara inn í hús og drekka í okkur smá kjark (einn bjór á mann) og setja á okkur vettlinga til þess að við þyrftum ekki að snerta þær með berum höndum ef til þess kæmi.
Þessi áætlun okkar virkaði mjög vel nema að ég hellti niður hálfum bjór því að ég gat ekki haldið á honum í vettlingunum sem ég var í (þvílík sóun). Spurning um að láta Regínu taka sig í atferlismeðferð (eða hvað sem það kallast) út af þessum kóngulóm.

Eftir bílskúrsdvölina skemmtilegu datt okkur í hug að skella okkur á ball en það voru Hafnardagar í Þorlákshöfn um helgina og hljómsveitin Á Móti Sól spilaði fyrir dansi í Ráðhúsinu. Vandinn var bara sá að við þekktum ekki sálu í Höfninni. Þá var bara ráðið að drekka í sig meiri kjark og fara svo. Við komumst loks út úr húsi seint og síðar meir og skemmtum okkur konunglega á ballinu og fórum meira að segja í eftirpartý til Gests og spúsu hans og hittum þar m.a. konu sem hafði passað köttinn okkar svo eitthvað sé nefnt.
Þannig að þetta var alveg þess virði og við vorum líka duglegar að styrkja Ráðhúskaffi með nokkrum ferðum á barinn.

Segjum þetta gott í bili, bæjó

p.s. gerði smá breytingu á myndasíðunni en það er komið sér fjölskyldualbúm sem að ættingar hafa kannski meiri áhuga á að skoða en aðrir.

Ættarmót og endalaus gleði (kannski of mikð stundum)

2005-08-04T00:11:00.000+02:00

Nú er ég loksins búin að fá svar frá skólanum og ég er sem sagt að fara að læra frönsku og evrópsk fræði (europæiske studier) við Handelshøjskolen i Århus eða Aarhus School of Business. Þetta var það sem ég valdi númer eitt þannig að ég var mjög ánægð að komast inn í þetta. Reyndar veit ég ekki alveg hvað felst í þessum evrópsku fræðum en það hlýtur að vera eitthvað skemmtilegt. Ég er líka búin að panta flug út þann 20. ágúst n.k. þannig að það fer bara að líða að þessu.

Verslunarmannahelgin var bara nokkuð róleg. Við systur fórum á Djúpavog á ættarmót sem var mjög skemmtilegt og ekki skemmdi veðrið fyrir. Við lögðum af stað eftir vinnu á föstudegi og bjuggumst við þessari svakalegu umferð eins og er alltaf talað um að sé þessa helgi en það var bara ekkert svo mikil umferð. Maður hefur allavega séð það verra. Á leiðinni austur stoppuðum við í Freysnesi og fjárfestum í mestu "pimp" höttum sem ég hef séð.

"Pimp" hattarnir

Þessir hattar eiga eflaust eftir að koma að góðum notum og eru hverrar krónu virði (fengum meira að segja smá afslátt).

Aðalkvöldið var svo á laugardaginn en þá var grillað inn á Melshorni, varðeldur, söngur og fleira. Eftir það fórum við unga fólkið í bæinn og kíktum á barinn. Hann var gjörsamlega dauður en Bjössi tók gítarinn með svo að við héldum uppi smá stemmningu. Eftir barinn byrjaði ballið. Þá fórum ég, Ragna, Dröfn, Sindri og ónefnt tuskudýr á rúntinn með Árnýju. Þetta var örugglega skemmtilegasti rúntur sem ég hef nokkuð tímann farið á. Við fórum á alla helstu staði Djúpavogs eins og sandana og Bóndavörðuna og var myndavélin notuð óspart. Að vísu þarf aðeins að ritskoða þessar myndir áður en þær verða allar birtar. Tuskudýrið fékk þó ekki mjög góða meðferð og var gjörsamlega úrvinda eftir nóttina.
Eftir rúntinn fórum við svo heim til Árnýjar og gistum þar. Af einhverjum óskiljanlegum ástæðum vöknuðu húsráðendur ekki þrátt fyrir bröltið í okkur.

Tuskudýrið

Sunnudagurinn fór því að mestu í að vinna upp tapaðan svefn og videógláp. Horfðum á Sideways og ég mæli eindregið með henni. Hún er mjög fyndin en maður verður samt að búast við því að hún sé svolítið þung og vera stemmdur í það.

Á mánudaginn var svo keyrt heim og lífið hóf sinn vanagang en það verður þó ekki lengi því ég á aðeins viku og tvo daga eftir í vinnunni og get ekki annað sagt en að það sé komin þó nokkuð mikil tilhlökkun í mína með örlitlu dassi af kvíða en ekkert alvarlegt þó.

Ætli ég segi þetta ekki bara gott í bili, Au revoir mes amies

Kíkið á myndir af helginni.

Nýjar myndir

2005-07-26T11:06:00.000+02:00

Var að setja inn myndir frá bekkjarmótinu og fleira síðan í júlí. Á samt eftir að setja slatta inn í viðbót.

Verið óhrædd við að commenta og þeir sem eru ekki búnir að skrifa í gestabókina mega endilega gera það.

Bekkjarmót og Todmobile ball

2005-07-21T14:28:00.000+02:00

Það þýðir víst ekki annað en að skrifa því það er afar viðburðarrík helgi að baki. Ég ætlaði samt að bíða með það þangað til ég væri búin að setja inn myndir en þá fer maður bara að gleyma hlutum.

Það var sem sagt brunað austur á land eftir vinnu sl. fimmtudag. Ferðin gekk vel og vorum við komnar á Djúpavog um eittleytið. Þá kíktum við aðeins á hótelið til að athuga hvort Brandurinn (Bryndís) væri ennþá að vinna en þá var hún nýfarin. Við spjölluðum aðeins við Þóri áður en við brunuðum inná Melshorn (óðalið okkar). Þar var Sindri löngu mættur og var búin að veiða eitt stykki fisk en þó ekki búinn að grilla hann. Við fórum líka fljótlega í háttinn því allir voru þreyttir.

Daginn eftir sváfum við frameftir og kíktum svo í bæinn með það að markmiði að fara í sund. Það gekk heldur brösulega en loks komumst við á áfangastað. Það var enginn í sundi svo að við höfðum "pleisið" út af fyrir okkur. Eftir sundið fengum við okkur hammara í Voginum sem maður verður náttúrulega að gera í hvert skipti sem maður fer austur því það jafnast ekkert á við matinn úr Voginum.
Um kvöldið var bekkjarmótið ógurlega sem var nú tilgangur ferðarinnar. Þarna voru mættir flestir af okkar gömlu bekkjarfélögum. Við höfðum stóra salinn á hótelinu út af fyrir okkur. Það var ekkert smá gaman að sjá alla aftur og flestir hafa ekki breyst mikið eða allavega fannst mér eins og við höfðum verið í 10. bekk í gær. Albert, Dóra og Sóley mættu líka en þau kenndu okkur mest allavega á síðustu árum grunnskólans. Síðan höfðu Gunnar, Magnús og Íris útbúið hin ýmsu myndashow og það var mjög skemmtilegt og fyndið að sjá það.
Síðan var borðað, etið og drukkið og drukkið meira og svo farið á barinn þegar líða tók á kvöldið.
Eftir barinn fór ég í eftirpartý með nokkrum vel völdum einstaklingum út á túni og maður skreið ekki í bólið fyrr en um fimmleytið.

Morguninn eftir vaknaði ég með nettan hausverk og var sko staðráðin í því að ég ætlaði ekki fara á Todmobile ball um kvöldið. Í mesta lagi kíkja á Seyðisfjörð.
Þríeykið fór því upp í hérað í von um sól og blíðu en hún var ekki til staðar (örugglega í fyrsta skiptið í sumar). Þegar tók að líða á daginn og hressleikinn ekki upp á sitt besta þá kom Sindri með það snilldarráð að við systur ættum bara að fá okkur bjór og þá myndi ástandið batna.
Og viti menn um leið og ég opnaði dósina þá leið mér strax betur. Þá hringdi Brandurinn og var á leið upp í hérað og var stefnan tekin á Seyðis. Ég ákvað því, fyrst ég var farin að hressast, að fara á ball. Ég hafði því uppi á mági mínum á Seyðis og fékk leyfi til þess að gista um nóttina eða það sem varð eiginlega um morguninn.
Það var þvílíkur stemmari á Seyðis. Ég fór í tvö fyrirpartý en var samt mætt snemma á ballið og það var svo magnað að sjá Andreu, Þorvald og Eyþór með sellóið. Eftir ballið var aðeins kíkt á pöbb þarna í grenndinni og síðan rölt í eftirpartý. Þar var örugglega boðið uppá flottasta mat sem ég hef nokkurn tímann fengið í eftirpartý en það var grillaður humar.......namminamm.
Sumir gestir fóru á trampolínið en ég var svo æst í humarinn að ég lét það alveg vera.
Eftir eftirpartýið (hljómar soldið skringilega) eða um klukkan hálfsex-sexleytið fórum ég, Bjössi mágur og Júlli vinur hans heim og fengum okkur hjónabandssælu og mjólk áður en við skriðum í koju (bókstaflega því ég svaf í efri kojunni og Bjössi í neðri,hehehe).

Daginn eftir vaknaði ég sprækur sem lækur og fór uppí hérað og fékk mér almennilegan þynnkumat áður en ég og Ragna brunuðum í bæinn.
Maður var því dálítið þreyttur á mánudeginum þegar mætt var í vinnu en ég var ekki ein um það því flestir voru þreyttir eftir helgina.

Það er því óhætt að segja að frábær helgi sé að baki og ég kom sjálfri mér á óvart því ég hélt ekki að ég gæti djammað tvo daga í röð en ég afsannaði það svo sannarlega og er stolt af því. Það verður því markmiðið það sem eftir er sumarsins að reyna að toppa þetta en ég er ekki vongóð með það.

Bless í bili og eigið góða helgi

Ert´að tala eða skíta?

2005-07-12T11:26:00.000+02:00

Þessa snilld heyrði ég í partýi hjá Heiðu um daginn og ég á eflaust eftir að nota þetta óspart. Mér fannst þetta allavega mjög fyndið.

Ég hef tekið eftir því í sumar að ég er gjörsamlega dottin út úr öllum sápuóperum í sjónvarpinu sem er kannski ágætt því maður á ekkert að vera að horfa á sjónvarpið á sumrin heldur frekar skapa sína eigin sápuóperu:) Nei, nei þetta reddast nú yfirleitt á laugardögum og sunnudögum þegar syrpa vikunnar af Glæstum Vonum og Nágrönnum er sýnd. Reyndar eru Glæstar Vonir alltaf ruglaðar en maður lætur sig hafa það. Annars er svo frábært við þessa þætti að maður getur misst úr heilan vetur en samt komist strax inn í þetta aftur.
Verð að setja link á þessa frétt því að ég skil gömlu konuna svo vel.

Manni finnst nú ekkert mikið búið að vera að gerast enda ekki búin að skrifa mjög lengi út af því. Kíkti þó á djammið bæði um þessa helgi og þá síðustu. Auður hélt upp á afmælið sitt síðustu helgi (2. júlí) en hún á afmæli 4. júlí á Þjóðhátíðardegi Bandaríkjanna. Það var svaka fjör og síðan var kíkt á Ara og sungið fram á rauða nótt.
Á mánudaginn sóttum við Regínu og Bjössa út á völl en þau voru að koma heim úr bakpokaferðalagi um Austur-Evrópu og þau pössuðu vel með liðinu sem var að koma heim af Hróarskelduhátíðinni en það var dáldið skrautlegt og eflaust margir af þeim stoppaðir í tollinum (skil það vel). Þannig að nú er orðið stuð á morgnana hjá okkur því við erum orðnar þrjár systurnar.

Þessa helgi héldu Marianne og Pernille partý fyrir okkur fótboltastelpurnar og var það nokkuð mikið stuð allavega var löggan að koma þegar við vorum að fara. Skil það samt ekki alveg, stelpurnar voru bara í singstar og svona. Síðan fórum við í bæinn sem er kannski ekkert merkilegt nema að þegar við vorum að fara heim þá stoppuðum við á pizza pronto til þess að fá okkur að borða en Ragna skrapp á klósettið á meðan og kom svo til baka í þessari líka fýlunni því að hún hafði borgað tíu krónur fyrir að fara á klósettið en gat svo ekki lokað hurðinni. Svo að hún sat út í horni og borðaði sína sneið hundfúl á meðan ég og Stína skemmtum okkur ágætlega. Ég hef allavega aldrei séð manneskju svona reiða út af tíu krónum þannig að ég lét hana bara sofa uppi í sófa hjá Auði og Ævari á meðan ég svaf niðri í herbergi með allt rúmið út af fyrir mig, hehehehe

Um helgina ætlum við systur svo að skella okkur austur á firði því það er bekkjarhittingur hjá bekknum okkar á Djúpavogi en það eru fimm ár síðan við kláruðum grunnskólann. Þetta verður örugglega svaka stuð. Síðan er aldrei að vita nema maður skelli sér á Seyðisfjörð á laugardaginn og fari á ball með Todmobile. Allavega er ég mjög heit fyrir því:)

Jæja, þá er tilkynningarskyldunni lokið að þessu sinni

bless í bili og vonum að veðrið fara að batna.....ekki ásættanlegt að það sé 9 stiga hiti að sumri til

Tíminn líður hratt

2005-06-26T23:06:00.000+02:00

Þá er enn ein vikan liðin og aðeins nokkrir dagar eftir af þessum mánuði. Það virðist allavega ekki vera vandamálið að finna sér eitthvað að gera þessa dagana því þeir líða svo hratt að maður getur varla hugsað. Það er samt ágætt því ég hlakka svo til að flytja út að ég get ekki beðið.

Á miðvikudaginn kepptum við Þróttaragellur við ÍR og fór sá leikur 4-3 fyrir ÍR :(
Ekki nógu gott en við töpuðum eiginlega leiknum á fyrsta korterinu.
Við fengum tvær danskar stelpur, Marianne og Pernille, til liðs við okkur á mánudaginn og eru þær mikill styrkur fyrir liðið. Þetta var sem sagt fyrsti leikurinn þeirra og byrjaði alls ekki vel og ég held að þeim hafi alls ekkert litist á blikuna. Seinni hálfleikurinn var samt allt annar og við áttum hann algjörlega og síðustu mínúturnar voru æsispennandi. Vonandi gengur okkur bara betur á morgun þegar við keppum við Hauka.

Eftir vinnu á föstudaginn fórum við systur í Skarthúsið og festum kaup á einum sólgleraugum, pari af kínaskóm og nefpinna allt á góðum prís og á eflaust eftir að nýtast vel í sumar. Það er nú þannig að maður virðist ekki vera maður með mönnum nema að eiga stór og flott sólgleraugu og það skiptir víst engu hvort það sé sól eða rigning eða hvort þú sért inni eða úti bara ef þú átt gleraugun. Ég hef samt hugsað mér að vera ekki að setja þau upp nema það sé sól eða þegar maður er þunnur og höndlar ekki smá birtu fyrir hausverk. Síðan fórum við á Rossopomodoro og fengum okkur ljúffenga pizzu með rjóma, skinku, sveppum og osti. Þetta kann að hljóma undarlega en var ótrúlega gott. Eftir það fórum við á videoleigu og tókum tvær spólur og keyptum nammi með það eitt í huga að eiga afslappandi kvöld framundan. Þá kom samt upp eitt vandamál..... aðeins einn sófi í stofuni. Þetta vandamál var þó leyst fljótlega. Við gerðum okkur lítið fyrir og skelltum sófanum sem var inní gestaherbergi fram í stofu. Þetta gekk þó ekki alveg eins og til stóð og klaufabárðalagið hljómaði í hausnum á mér allan tímann en þetta hófst að lokum. Allt fyrir þægindin. Þá gat maður loks lagst með tærnar upp í loftið og ýtt á play. Ég var ekki búin að liggja lengi þegar ég fékk hringingu sem átti heldur betur eftir að breyta stefnu kvöldsins. Það var hún Heiða sem var að bjóða okkur í partý og sýna dönsku stelpunum aðeins lífið í bænum. Við gátum náttúrulega ekki sagt nei og skelltum okkur því í bæinn og vorum ekki komnar heim aftur fyrr en sex um morguninn og mættar á fótboltaæfingu klukkan tólf í Laugardalnum daginn eftir eða nokkrum tímum seinna. Get nú ekki sagt að frammistaðan á æfingunni hafi verið eitthvað til þess að hrópa húrra fyrir.

Undarleg staðsetning fyrir klósettrúlluhaldarann!

Eftir æfinguna fórum við aðeins í heita pottinn í Laugardalslauginni en stoppuðum stutt því við þurftum að skutla pabba út á flugvöll því hann var að fara til Danmerkur að hitta spúsu sína sem var að koma frá Spáni og saman ætla þau á vinabæjarmót í Svíþjóð. Merkilegt með þetta fólk, getur aldrei verið heima hjá sér:)
Þegar heim var komið var lagst í sófann og loks horft á spólurnar sem við tókum. Ég horfði nú ekki lengi því ég sofnaði fljótt enda dauðþreytt eftir vikuna og nóttina.

Dagurinn í dag fór því að mestu leyti í afslöppun fyrir utan eina æfingu. Var að éta þessa líka fínu lambasteik sem Ragna eldaði með öllu tilheyrandi að sjálfsögðu.
Endilega kvittið fyrir ykkur í gestabókina ef þið eruð ekki búin að því og verið óhrædd við að commenta.

Bless í bili

p.s. mamma, ég er búin að vökva blómin þannig að þú getur andað rólegar

On the road again

2005-06-20T23:58:00.000+02:00

Svei mér þá ef þetta er ekki bara búin að vera viðburðarík vika. Byrjaði eiginlega á miðvikudaginn eftir vinnu þegar ég og pabbi kíktum í kokteil á nýja Radisson Sas hótelið niðrí bæ eða 1919 Hótel eins og það heitir víst. Andri frændi var að opna það og ég og pabbi kíktum enda bara fína og fræga fólkið þarna, hehehe. Þetta er rosalega flott og ég væri alveg til í að gista þar einhvern tímann.

Daginn eftir var svo venjulegur vinnudagur en eftir vinnu fórum ég og pabbi austur á Djúpavog enda var ég háð pabba því ég lánaði Rögnu bílinn minn út á völl þar sem hún þurfti að skreppa út til að taka prófið í arabísku sem gekk ágætlega btw. Þegar við komum austur var kíkt upp í Hátún til þess að kanna aðstæður því planið var að taka allt í gegn áður en húsið yrði afhent daginn eftir. Síðan var farið eldsnemma á fætur daginn eftir og hafist handa því engan tíma mátti missa. Þetta var nú aðeins meiri vinna en við gerðum ráð fyrir en þetta tókst nú loks enda fengum við líka aðstoð frá Auði, Ævari, Hólmfríði, Hrönn og Frey. En nú veit ég að kraftaverkin geta gerst. Fyrir áhugasama (aðallega fjölskyldumeðlimi býst ég við) þá setti ég inn nokkrar myndir sem ég tók af Hátúni eftir breytingu.
Um kvöldið var skálað hjá Dröfn enda átti maður það alveg skilið. Síðan var haldið á barinn þar sem Hallur spilaði ljúfa tóna og maður var ekki kominn í rekkju fyrr en um hálfsex um morguninn. Setti líka inn myndir af kvöldinu og þær eru inn í sama albúmi.

Laugardagurinn fór aðallega í afslöppun í sundi og inni á melshorni en um kvöldið var okkur boðið í mat til Hólmfríðar í svartfugl, namminamm. Síðan var horft á eina spólu eða ég horfði og pabbi svaf og síðan farið í rúmið um miðnætti. Maður hefði nú haldið að það væri ekkert sem gæti haldið manni vöku svona út í sveit þar sem ekkert er nema við og dýrin en jú, það var eitthvað lamb sem jarmaði svo mikið að ég gat bara ekki sofnað. Var að spá í að fara út og kíkja á það en nennti því ekki. Það var örugglega allt í lagi með það.

Á sunnudaginn var skellt sér í sund áður en við brunuðum í bæinn en við stoppuðum þó í Voginum áður og smelltum einum á hana Dröfn enda ekki á hverjum degi sem hún á afmæli og það á kvennréttindadaginn sjálfan (það gat sko ekki farið framhjá manni hvaða dagur var).

Jæja, segjum þetta gott í bili

p.s. Bið að heilsa liðinu sem hefur ekkert annað að gera en að hanga á Spáni og í Bratislava eða Kuntu Hóru og takk fyrir kveðjurnar. Minn tími kemur fljótlega (þ.e. tími til að ferðast og leika sér). Vil líka óska Tinnu og Finn til hamingju með nafnið á litlu prinsessunni þeirra en hún heitir Sara Lind.

Hvar er draumurinn....hvar ertu lífið sem ég þrái!!!

2005-06-10T13:04:00.000+02:00

Já, nú er ég ánægð með tónlistina í vinnunni því Sálin hans Jóns míns er búin að hljóma um eyru starfsmanna og viðskiptamanna í dag og ef það er ekki til þess að koma manni í fílinginn þá veit ég ekki hvað. Það var nú líka kominn tími til því þegar Raggi Bjarna og Brimkló er orðið það hressasta sem maður heyrir þá er ástandið orðið heldur slæmt. Reyndar kom Brimkló mér verulega á óvart og Raggi Bjarna á reyndar sína smelli en kannski ekki 50 sinnum á dag í sex mánuði.

En mikið er nú gaman að það sé föstudagur. Það er svo fyndið að finna muninn á manni frá mánudegi til föstudags. Kannski er þetta svona hjá öllum en þetta er mjög áberandi hjá okkur systrum. Til dæmis þegar við erum á leiðinni í vinnuna á mánudegi (sem tekur 40 mínútur) þá er ekki mikið sagt á leiðinni en aftur á móti í leiðina í vinnuna á föstudegi (sem tekur líka 40 mínútur) þá tölum við eins og við fáum borgað fyrir það og þá er líka ekki ólíklegt að maður skelli sér í pils eða hæla í tilefni dagsins.

Annars hefur lífið bara verið með venjulegu sniði þessa vikuna þ.e. vinna, æfingar og sofa. Reyndar kíktum við þríburarnir (ég, Ragna og Sigrún) á leik Breiðabliks og KR á mánudagskvöldið hjá stelpunum og það var ágætt. Breiðablik burstaði KR 4-0 sem var nokkuð verðskuldað bara en ég hefði samt alveg verið til í að sjá KR-inga setja eins og tvö mörk kannski.

Jæja, þarf að drífa mig að sækja Rögnu litlu í vinnuna. Allir að koma á morgun í Vogaskóla og kaupa sér vöfflur og kaffi á góðum prís.

Ný íbúð og nýr bloggari

2005-06-04T19:58:00.000+02:00

Þó að síðasta færsla sé falleg þá verð ég nú samt að halda áfram. Ég gæti skrifað mjög langa færslu um það hversu leiðinlegt það er að vera veikur en ég held að ég sleppi því. Er sem sagt búin að liggja í viku og nú er maður eiginlega orðinn veikur á geði eftir þetta allt saman. En ég bjó samt til leik sem fékk nafnið 'Hvar er Halla?' sem gengur út á það að ég reyni að samsvara mér húsgögnum og veggjum og svona (gæti verið merki um að það sé eitthvað ekki í lagi).

Það hefur nú ekki mikið drifið á daga mína undanfarið. Kíkti reyndar aðeins í bæinn síðasta föstudag reyndar var planið að fara á Franz Ferdinand tónleika en þar sem þeim var frestað varð ekkert úr því. Berglind hélt því í staðinn smá frænkukvöld þar sem var drukkið og spilað og síðan kíkt í bæinn. Þar hittum við Rán sem var að fagna þrítugsafmæli sínu en það var nú ekki að sjá að stelpan væri mikið eldri en tvítugt miðað við danstaktana sem ég sá til inni á Vegamótum. Bryndís hafði líka skellt sér í bæinn mér til mikillar ánægju og við hittum hana og kallinn alveg eiturhress að vanda. Annars var bærinn frekar slappur og kvöldið fór aðallega í það að rölta á milli staða.

Nú er manni farið að hlakka helvíti mikið til að flytja til Árósa ekki síst eftir að Sindri flutti í íbúðina okkar og hún er mögnuð. Ég var sem sagt að sjá myndir í fyrsta skipti núna og þetta lítur miklu betur út en ég bjóst við. Staðsetningin er líka svo frábær en hún er alveg í miðbæ Árósa sem er alls ekki slæmt. Svo er nóg pláss fyrir gesti þannig að ef þið eigið leið um Árósa þá bara endilega koma í heimsókn. Hérna getiði skoðað myndir af nýju íbúðinni. Sindri greyið er reyndar búinn að vera dáldið mikið einn eins og sést á myndunum en það er bara gaman að því.

Hef ekkert meira að segja í bili en mæli með að þeir sem ætla að hafa það rólegt í kvöld horfi á 'A night at the Roxbury' því að hún er svo fyndin.

Endilega kíkið á nýja bloggarann hana Dröfn frænku

Sindri í herberginu mínu

Brennsluofninn okkar

Sætur sigur!

2005-05-26T00:57:00.000+02:00

Gleði, gleði, gleði, gleði líf mitt er því að Liverpool Evrópumeistari er!!!!

You'll never walk alone

When you walk through a storm,
Hold your head up high,
And don't be afraid of the dark.
At the end of a storm,
There's a golden sky,
And the sweet silver song of a lark.
Walk on through the wind,
Walk on through the rain,
Though your dreams be tossed and blown..
Walk on, walk on, with hope in your heart,
And you'll never walk alone....
Walk on, walk on, with hope in your heart,
And you'll never walk alone....
You'll never walk alone.

Vonbrigði

2005-05-20T11:26:00.000+02:00

Oooohhhh....ég trúi ekki að Ísland hafi ekki komist áfram í Eurovision. Ég gerði bara ráð fyrir því að við kæmust áfram. Ég segi að búningurinn hafi klúðrað þessu en samt ef fólk var að fíla lög á borð við Lettland og Moldavíu þá hefði maður nú haldið að þau fíluðu búninginn hennar Selmu. Ég sem hlakkaði svo til tvöfaldrar Eurovisionskemmtunar en maður verður þá að bara að finna sér eitthvað annað lag til að halda með. Reyndar missti ég eiginlega af öllu saman því ég hélt að þetta byrjaði ekki fyrr en klukkan átta og var bara á tjillinu í bænum og ákvað svo að fá mér pizzu í tilefni dagsins en það fór því svo að ég horfði á framlag okkar Íslendinga á Dominos. Ég missti allavega ekki af því.

Ég er búin að setja inn myndir sem ég tók í maí og síðasta myndin er af prinsessunni þeirra Tinnu og Finns. Hún er æðisleg og ekkert smá lítil og sæt. Síðan eru myndir síðan síðustu helgi (hvítasunnuhelgin) en þá skellti ég mér á Djúpavog og Árný kom með mér. Þetta var mjög skemmtileg ferð enda sjaldan lognmolla í kringum Árnýju eins og þeir sem hana þekkja vita eflaust. Við stoppuðum náttúrulega í lóninum og tókum nokkrar myndir. Síðan var svo geggjað veður á Djúpavogi um kvöldið (eins og alltaf) og ég tók nokkrar myndir af Búlandstindinum. Á laugardeginum fórum ég og Árný svo í íþróttahúsið og tókum þar á alls konar tækjum og tólum og fórum síðan í sund á eftir. Svo til þess að eyðileggja allt saman fórum við niðrá sjoppu þegar við vorum búnar og keyptum okkur eitthvað ógeð að borða. Um kvöldið var farið á barinn og þar var nokkuð góð stemmning. Sumir djömmuðu langt fram eftir morgni en ég fór náttúrulega bara snemma heim eins og góðri dömu sæmir enda alveg búin að taka út djamm skammtinn minn í vetur. Á mánudeginum varð ég svo að fara heim þó svo að ég hafi ekki viljað það því að veðrið var geggjað. Á leiðinni heim mætti ég fullt af fólki sem voru á leiðinni á Djúpavog og ég stoppaði í lóninu og spjallaði við Röggu og Ragga. Þvílíkt svekkjandi samt að vera inn í bíl í svona góðu veðri.

Í kvöld fer ég út á völl að sækja Rögnu litlu en hún fékk vinnu í Landsbankanum og er því að koma heim að vinna. Það verður fínt að hafa einhvern ferðafélaga með á morgnana og ég ætla líka að taka hana með í fótboltann ef það stangast ekki á við vinnutímann hennar. Alltaf gott að fá liðstyrk erlendis frá.

Segjum þetta gott í bili, bæjó

2005-05-11T23:10:00.000+02:00

Myndirnar úr útskriftarferðinni, galakvöldinu og nemó (síðan í fyrra) eru komnar á myndasíðuna.

Tvær prinsessur

2005-05-11T11:58:00.000+02:00

Ég vil óska Tinnu og Finni innilega til hamingju með litlu prinsessuna sína sem kom í heiminn í gær. Ég hlakka ekkert smá til að sjá litla krílið. Binni og Maggý eignuðust líka litla prinsessu í gær og ég vil líka óska þeim innilega til hamingju.

Helgin var bara nokkuð viðburðarík en hún byrjaði reyndar ekki vel því ég var búin að vera með smá kvef í síðustu viku en samt ekkert alvarlegt og ég hélt að þetta væri bara að fara að lagast en nei, ég vaknaði með þessa líka skemmtilegu hálsbólguna á laugardagsmorgun þannig að ég ákvað að vera ekki með í leiknum en fór nú samt og horfði á (Brandurinn verður bara að sleppa því að lesa þetta en ég tek samt alltaf lýsi). Eftir það var ferðinni heitið í bláa lónið. Ég kippti Árný með mér en Auður, Ævar, Ragnhildur, Raggi, Frikki og Gauji voru þegar komin því þau fóru í go kart áður. Það var mikil stemmning í liðinu enda flestir búnir að fá sér öl. Eftir lónið fórum við út að borða á players og síðan var haldið heim til Auðar og Ævars. Ævar var helv.. hress og ég er ekki frá því að Auður hafi ákveðið að fara að leyfa honum að drekka aðeins oftar en tvisvar á ári, hehe. Við fórum heldur snemma í bæinn eða um hálftólf og byrjuðum á Ara í Ögri(eins og alltaf) og þar var nánast tómt þegar við komum en ég hitti samt þjálfara minn þar og hann var ansi hress. Um eittleytið röltum við svo niðrá Nasa og skelltum okkur á ball með Sálinni en við vorum víst ekki þau einu sem datt það í hug því það var svo stappað þar inni að maður hefur sjaldan séð annað eins en það var samt mjög gaman. Sálin klikkar ekki.
Síðan missti ég nánast röddina um þrjúleytið og tala núna eins og fjórtán ára strákur í mútum sem er ekki fallegt.
Á sunnudaginn vaknaði ég svo eldhress kl. 9 um morguninn og brunaði heim fyrir allar aldir foreldrum mínum til mikillar undrunar. Seinni partinn fór ég síðan og sótti Brandinn minn á Hellu og skutlaði henni í bæinn. Hún kom í bæinn til þess að vinna í háskólamálum fyrir haustið og litla prinsessan hennar Tinnu var svo almennileg að drífa sig bara í heiminn fyrst að Brandurinn var í bænum.

Síðan er það að frétta af Danmerkurmálum að við erum að öllum líkindum búin að fá íbúðina sem Sindri og Ragna voru að skoða sem er bara frábært. Þannig að dótið mitt verður sennilega bara flutt út í næsta mánuði og ég verð síðan flutt út í ágústmánuði, jibbí, ég get ekki beðið.

Hef ekki meira að segja í bili

p.s. set inn myndir í kveld

Betra seint en aldrei

2005-05-06T22:08:00.000+02:00

Það kemur sá tími í lífi hvers bloggara að maður hefur bara EKKERT að segja. Mig grunaði að þetta mundi gerast en þetta var nú heldur fljótt. Í kjölfarið fer maður að skoða líf sitt og kemst að því að það er nákvæmlega ekkert merkilegt að gerast í lífi sínu. En þetta stendur nú til bóta.
Ævar kom nefnilega með þá snilldarhugmynd í vikunni um að fara í go kart, bláa lónið og síðan út að borða á laugardaginn. Mér leist náttúrulega mjög vel á en það vill nú svo til að við Þróttarastelpur erum að keppa á laugardaginn svo að ég missi af go kartinu en næ vonandi bláa lóninu. Það er nú ekki á hverjum degi sem maður fer í bláa lónið. Síðan ætlum við út að borða og svo aldrei að vita nema að það verði eitthvað djamm um kvöldið samt ekkert planað en þá verður pottþétt djamm.

Annars fékk ég svar frá báðum skólunum sem ég sótti um en það hljóðaði svo að ég þyrfti að taka inntökupróf í frönskuna því ég uppfyllti ekki skilyrði um einingarfjöldann. Mér fannst það nú mjög skrítið þar sem ég lærði frönskuna fjóra tíma á viku öll mín fjögur ár í Verzló. Svo ég fór að leggja tvo og tvo saman og komst að því að ég hafði verið svo einstaklega gáfuð að senda bara stúdentsskírteinið mitt út en á því kemur aðeins fram sá einingarfjöldi sem ég tók seinustu tvö árin. Svo að mín fór að leita og fann loks verzlunarprófsskírteinið mitt og þá fór nú aðeins að birta til því þá fann ég átta einingar í viðbót við þær átta sem voru á stúdentsskírteininu svo að ég var þá komin með sextán einingar og inntökuskilyrðin eru tólf einingar. Þannig að ég vona innilega að ég komist inn í fyrsta valið mitt sem er franska og evrópsk fræði(europiske studier).
Ekki nóg með það heldur fékk ég símtal frá Rögnu árla morguns á miðvikudaginn s.l. og sú var aldeilis kát og fyrir þá sem þekkja okkur systur þá erum við ekki mjög kátar á morgnana nema eitthvað mikið sé í gangi eins og jólin og svona. En þetta átti sér auðvitað ástæðu sem var sú að þau skötuhjú og tilvonandi sambýlingar mínir höfðu verið að skoða íbúð í miðbæ Árósa sem er víst alveg mögnuð og við ætlum að öllum líkindum að taka. Þetta er stór risíbúð, hátt til lofts, með arin, uppþvottavél og svo litlu kósí risi á annari hæð sem við sjáum fyrir okkur sem gestaherbergi. Allavega hélt Ragna ekki vatni yfir þessu öllu saman svo að ég treysti henni alveg.

Jæja, bloggarinn sem hafði ekkert að segja hefur bara sagt þó nokkuð. Ég fer síðan að láta inn myndir af útskriftarferðinni síðan í sumar og líka myndir af galakvöldinu og nemó. Ég lét nefnilega loksins verða af því að framkalla fjórar filmur sem eru ársgamlar.

Góða helgi

p.s. muna að skrifa í gestabókina. Ég er nefnilega önnur hver manneskja sem skrifar í hana sem er ekki nógu gott.

Svífur yfir Esjunni....

2005-04-26T13:17:00.000+02:00

Það má eiginlega segja að síðasta helgi hafi verið pabbahelgi eða allavega sunnudagurinn. Við feðgin gerðum okkur nefnilega lítið fyrir og fórum upp á Esjuna. Ég verð nú að viðurkenna að ég bjóst nú ekki við mikilli áreynslu því mér hefur alltaf fundist Reykvíkingarnir ofmeta þessa blessuðu Esju sína en þetta var bara nokkuð strembið. Veðrið var fallegt og hefði eiginlega ekki mátt vera sól því þá hefði verið ansi heitt. Ég lét mig þó ekki alveg hafa það upp á topp enda komin með smá blöðrur sem er ekki mjög gott en Göngu-Hrólfur fór að sjálfsögðu alveg upp á topp enda að æfa sig fyrir ferð upp á Hvannadalshnjúk.
Ég bjóst nú reyndar við að hitta Fjalla-Eyvind þarna því að stjörnuspá sunnudagsins hljóðaði svo: „Ást við fyrstu sýn, spennandi daður, óvænt partí og skemmtileg dægrastytting gera daginn spennandi fyrir steingeitina. Leyfðu þér að fljóta með.“ Það gæti reyndar verið að við höfum farið eitthvað á mis.
Eftir fjallgönguna fórum við í sund og eftir sundið fengum við okkur að borða á Sólon og smakkaðist helv... vel. Þá fékk ég reyndar símtal frá þjálfaranum mínum um að það væri hlaupaæfing daginn eftir, jibbí! Hefði kannski verið í lagi ef ég hefði ekki látið plata mig í þessa fjallgöngu.
Ég skellti inn nokkrum myndum úr ferðinni ef einhverjir náttúruunnendur hafa áhuga.

Annars var ekkert djammað um helgina og það hefur nú ekki komið oft fyrir í vetur en kannski ætti það að gerast oftar svo maður komist nú í eitthvað smá form. Reyndar var mamma að koma frá Danmörku og færði mér kippu af viking lite og það má nú ekki fara til spillis.

Hef ekki meira að segja í bili. Kveðja,
Halla og Fjalla-Eyvindur (sem er þó ófundinn)

Sumarið er að koma

2005-04-20T13:24:00.000+02:00

Sumarið kemur á morgun mér til mikillar ánægju og eflaust fleirum. Ég missti mig reyndar aðeins í fílingnum í gær þegar ég var að koma úr jógatímanum og var í mjög góðu skapi, veðrið var yndislegt og lífið brosti við mér. Fékk mér americano sem ég ætlaði að sötra á leiðinni heim, settist upp í bíl og setti Birgittusólgleraugun á mig. Sjálfstraustið var í fullu fjöri þegar ég brunaði eftir suðurlandsbrautinni með tónlistina í botni og kaffið í annarri. En það hvarf fljótt því mér svelgdist svo svakalega á kaffinu að ég hóstaði næstum úr mér lungun, táraðist og táraðist og var orðin eldrauð í framan og var heppin að halda mig á veginum. Ég gat nú ekki annað en hlegið því að ég missti kúlið svo svakalega þannig að ég tók bara niður sólgleraugun og lækkaði í tónlistinni. Stundum verður maður bara aðeins að tjilla á töffarastælunum.

Konukvöldið var mjög skemmtilegt og heppnaðist vel. Ágóðinn rennur til okkar þ.e. meistaraflokks kvenna svo að maður reyndi nú að vera duglegur að fara á barinn. Við stöllur sömdum nýjan texta við lagið "sandalar" í partýinu hjá Heiðu og sungum það fyrir gestina og Hulda fyrirliðinn okkar spilaði á gítar. Þetta var nú bara ágætt miðað við að hafa samið þennan texta á tíu mínútum. Jón Ólafs kom líka og söng nokkur lög. Síðan var diskó en við Ragga, Heiða og Stína fórum og kíktum í partý í vesturbænum hjá einhverjum gaur sem við Ragga vissum allavega ekki hver var en það var fínt. Ég var að vísu ekkert of hress því mér datt í hug að fara á pinnahælum og var gjörsamlega að drepast í löppunum á þessum tíma en þegar við komum niður í bæ þá var bara skellt í sig tequila og þá fann ég ekki eins mikið fyrir þessu. Beauty is pain eða eins og Regína sagði: "Pain is beauty" (veit ekki alveg hvað hún átti við og veit ekki hvort ég vilji vita það).

Jæja, segjum þetta gott í bili og gleðilegt sumar

Nýjar myndir

2005-04-17T00:31:00.000+02:00

Myndir af djamminu í gær

Þetta helv... virðist ekki vera að virka þannig að þeir sem vilja skoða myndirnar verða að fara á myndasíðuna hér til hliðar og þaðan inn í djamm myndir.

Föstudagar eru flöskudagar

2005-04-15T14:22:00.000+02:00

Ég elska föstudaga. Það skemmtilega við að vera ekki í vaktavinnu er að maður fær að upplifa föstudagsstemmninguna aftur og það er yndislegt.
Í kvöld er ég að fara á konukvöld hjá Þrótti og ég hvet allar konur til að koma. Ragga ætlar að koma með og ég held að hún eigi ekki eftir að sjá eftir því. Hún var líka svo góð að leyfa mér að gista hjá sér. Hún á heldur ekki eftir að sjá eftir því, hehe. Gleðin byrjar strax eftir vinnu með skreytingu í Þróttaraheimilinu (ef ég næ því) svo þarf maður bara að græja sig og síðan verður fyrirpartý hjá Heiðu en aðalpartýið byrjar kl. 20. Þar verður boðið upp á mat og skemmtiatriði og mér skilst að það sé hattaþema. Þetta verður stuð og ég tek myndavélina með og skelli inn myndum um helgina.

Þessi vika hefur verið frekar viðburðalítil að öðru leyti. Ég prófaði reyndar fyrsta jógatímann minn á þriðjudaginn og það var mjög afslappandi reynsla. Ég var líka geyspandi allt kvöldið eftir þetta. Mig langar samt að prófa aftur því maður verður örugglega helv.. liðugur á þessu og maður er að reyna á allskonar vöðva sem maður vissi ekki að væru til og síðan er þetta svo mikil slökun.

Þýðir ekkert að slóra....er farin á djammið. Góða helgi og endilega kommenta og skrifa í gestabókina.

ÉG trúi þessu ekki

2005-04-11T21:54:00.000+02:00

Ég er búin að vera að fresta því að taka desperate housewives prófið því að ég var svo hrædd um að ég mundi vera eins og Bree og svo lét ég loksins verða af því og hvað haldiði......"Your name is the Bree of desperate houswives! You´re the perfect wife, mother and housekeeper and just a bit of control freak. Everyone admires you but maybe they´re just a little bit afraid of you. Step away from the souffle, ease up on the hairspray and learn to go with the flow."
Djö.... ég er ekki sátt.
Reyndar eitt svolítið fyndið því Sindri tók prófið og hann fékk "Sindri is likely to date or marry Bree of desperate housewives" en Ragna fékk Lynette svo að hann er örugglega með vitlausri systur.

Bree kveður

Ef þú vilt taka prófið þá er þetta síðan:
Desperate Housewives prófið

Humarveisla og hasar

2005-04-08T13:16:00.000+02:00

Það þýðir víst ekki að slá slöku við. Það er ekki gott að byrja á því að vera latur að skrifa svo að ég held bara áfram þar sem frá var horfið.

Við fórum sem sagt á Lækjarbrekku, ég, mamma og pabbi a.k.a. hin heilaga þrenning, á þriðjudagskvöldið. Við vorum öll sammála um val á matseðlinum sem var þriggja rétta humarveisla sem samanstóð af humarsúpu í forrétt(sjaldan fengið jafn góða súpu), humar eldaður á þrjá mismunandi vegu í aðalrétt(Jónas gerir samt betri) og grand mariner ís í eftirrétt. Ekki vantaði áfengið með matnum því það var boðið upp á bjór, sérrí, púrtvín og hvítvín en við afþökkuðum hvítvínið að vísu. Eftir matinn var síðan brunað til Þorlákshafnar en veðurguðirnir voru ekki í góðu skapi þetta kvöldið því ég hef sjaldan séð annað eins veður en við létum það ekkert á okkur fá og vorum komin í bólið um miðnætti.

Fyrir þá sem ekki vita þá ákvað ég að flytjast búferlum í síðustu viku og flutti úr leirubakkanum, þar sem ég hef leigt síðan í nóvember, til mömmu og pabba en ég hef eiginlega ekki búið hjá þeim síðan ég fór í menntó fyrir tæplega 5 árum svo að maður á svolítið inni. Vonandi nær maður líka að safna smá pening fyrir haustið.
Ég finn fyrir smá mótmælum frá veðurguðunum eftir þessa flutninga því þeir ákváðu að skella á janúarveðri aftur með viðeigandi snjókomu, skafrenningi og hálku þegar það stemmdi í sumarblíðu. En Halla Alonso lætur það sko ekki stoppa sig og þeysist á milli Þorlákshafnar og Reykjavíkur eins og ekkert sé. Vonandi fer samt veðrið að batna því þetta er ekki skemmtilegt til lengdar.

Síðan datt einhverjum snillingi í hug að hafa námskeið í vinnunni á laugardegi og sunnudegi frá 9-15 en sem betur fer þarf ég ekki að fara á sunnudaginn.

Ætli ég segi þetta ekki gott í bili er að fara í afmæli til Árnýjar og það þýðir pottþétt þynnka á morgun en alltaf gaman að djamma með henni og hennar vandamönnum.

Góða helgi

p.s. þetta er skrifað 9. apríl

Brúðkaupsafmæli og fleiri afmæli

2005-04-05T14:27:00.000+02:00

Nei, ég á ekki brúðkaupsafmæli ef þið haldið það en mamma og pabbi eiga 25 ára brúðkaupsafmæli í dag og vil ég óska þeim innilega til hamingju með það. Í tilefni af því þá ætlum við þrjú að fara út að borða á Lækjarbrekku í kvöld,hvorki meira né minna. Ég vildi samt að þau færu bara tvö því mér finnst þetta svolítið svona two is a team, three is a crowd(er þetta kannski ekki skrifað svona?) en pabbi tók ekki annað í mál en að ég færi með því hann ætlaði sko ekki að stara í augun á mömmu allt kvöldið. Rómantíkin alveg að fara með kallinn.

Síðan vil ég óska Tinnu Dögg innilega til hamingju með tuttugu og tveggja ára afmælið. Nú fer að styttast í að þessi unga snót verði móðir og maður er nú orðinn dálítið spenntur yfir þessu öllu saman.

Að lokum vil ég lýsa óánægju yfir þessu blessaða veðri. Ég sem hélt að veturinn væri búinn en nei, mér skjátlaðist.

Lifið heil

P.s. Bjössi þessi færsla er síðan um helgina svo að þú þarft ekki að hafa áhyggjur af því. Ég gleymdi bara að breyta dagsetningunni. Kvittaðu svo í gestabókina, drengur.

Góðan daginn, sagði gæjinn og gekk í bæinn

2005-01-08T17:01:00.000+01:00

Jæja, vegna fjölda áskoranna hef ég ákveðið að byrja á þessari vitleysu. Nei, nei þetta verður engin vitleysa þetta er aðallega hugsað sem myndasíða til að byrja með en maður skellir samt inn nokkrum línum þegar við á. Annars er þessi síða búin að vera ótrúlega lengi í fæðingu miðað við að maður þarf ekki að hafa sérstaklega háa greindarvísitölu til þess að geta þetta (taki til sín sem eiga, nei djók).
Ég mæli með því að þið kíkjið á myndasíðuna mína en ég vil taka það fram að það eru stundum ekki mjög góð gæði á djamm myndunum og er það bæði út af annarlegu ástandi ljósmyndarans og vankunnáttu hans á myndavélinni sinni en það stendur vonandi til bóta allavega kunnáttan á myndavélinni hitt veit ég ekki með.

Eins og sést á myndunum þá skellti ég mér til Danmörku yfir páskana til þess að heimsækja systur mínar og maka þeirra að sjálfsögðu og sletta aðeins úr klaufunum. Það er ekki annað hægt að segja en að þetta hafi verið góð ferð enda mikið drukkið, étið og eitthvað verslað líka. Það er nú ekki hægt að biðja um meira. Ég er heldur ekki frá því að maður hafið aðeins bætt á sig eftir þetta allt saman. Síðan er planið að flytja út í haust og ætlum ég, Sindri og Ragna að hefja búskap saman. Það verður eflaust eitthvað skrautlegt en ég hlakka mikið til og ég efast ekki um að þau hlakki líka til. Ekki satt?
Síðan þarf náttúrulega ekki að taka fram að fólk er vinsamlegast beðið um að kvitta fyrir sig í gestabókina og verið alveg óhrædd við að commenta. Alltaf gaman að fá comment.

Ætli ég láti þetta ekki duga í bili